لیژنەی باڵای لێکۆڵینەوە ئه‌نجامی سه‌ره‌تایی لێكۆڵینه‌وه‌كان له روداوه‌كه‌ی كوت رادەگەیەنێت
وه‌زاره‌تی ناوخۆی عێراق ئه‌نجامی به‌رایی لێكۆڵینه‌وه له ئاگركه‌وتنه‌وه‌كه‌ی كوت ڕاده‌گه‌یه‌نێت، كه 17 فه‌رمانبه‌ر له كاره‌كانیان بەشێوەی کاتی دورخراونه‌ته‌وه و سێ ئه‌فسه‌ریش ده‌ستبه‌سه‌ركراون.
وه‌زاره‌تی ناوخۆ له‌ڕاگه‌یه‌ندراوێكدا بڵاویكرده‌وه، ڕێكاری كارگێڕی و یاسایی به‌رامبه‌ر ژماره‌یه‌ك به‌رپرس و فه‌رمانبه‌ر ده‌گرنه‌به‌ر كه په‌یوه‌ندیان به‌و ئاگره‌وه هه‌یه كه له مۆڵێكی بازرگانی له پارێزگای واست كه‌وته‌وه.
میقداد میری سه‌رۆكی به‌شی په‌یوه‌ندییه گشتیی و ڕاگه‌یاندنه‌كانی وه‌زاره‌تی ناوخۆ، له ڕاگه‌یه‌ندراوێكدا بڵاویكرده‌وه، "لیژنه‌ی باڵای لێكۆڵینه‌وه كه به فه‌رمانی فه‌رمانده‌ی گشتی هێزه چه‌كداره‌كان پێكهێنراوه و به سه‌رۆكایه‌تی وه‌زاره‌تی ناوخۆ، پێشكه‌وتنی به‌ده‌ستهێناوه له كۆكردنه‌وه‌ی زانیاری و به‌ڵگه‌ی مه‌یدانی و پشتڕاستكردنه‌وه‌ی ئیفاده‌ی شایه‌تحاڵان و به‌رپرسان، به‌ڵام ئه‌نجامه سه‌ره‌تاییه‌كان توانیویانه پێشكه‌وتنی پێویستیان هه‌بێت و كه‌مته‌رخه‌مییه‌كی ڕون له‌لایه‌ن ژماره‌یه‌ك له‌و كه‌سانه‌ی كه به‌شداربون بخه‌نه‌ڕو".
له ڕاگه‌یه‌ندراوه‌كه‌دا ڕونیكردوه‌ته‌وه، لیژنه‌كه بڕیاریدا به ڕاگرتنی كاتی 17 فه‌رمانبه‌ر له خزمه‌تكردن تا ته‌واوبونی لێكۆڵینه‌وه‌كان، له‌وانه به‌رپرسانی شاره‌وانی كوت، به‌شی گه‌شتیاری، به‌شی ئاو، به‌شی ته‌ندروستی و كۆنترۆڵ، هه‌روه‌ها به‌رپرسانی پێشوی به‌شی سه‌رپێچی، سه‌لامه‌تی پیشه‌یی، ڕێگاوبان و پرده‌كان.
ڕێوشوێنه‌كان بریتی بون له ده‌ستبه‌سه‌ركردنی سێ ئه‌فسه‌ر كه بریتین له به‌ڕێوه‌به‌ری به‌شی ئاسایشی گه‌شتیاری له واست، به‌ڕێوه‌به‌ری به‌رگری شارستانی له واست، فه‌رمانده‌ی كه‌رتی یه‌كه‌می به‌رگری شارستانی له كوت.
له ڕاگه‌یه‌ندراوه‌كه‌دا جه‌ختكراوه‌ته‌وه كه ئه‌م هه‌نگاوه به پشتبه‌ستن به بڕگه‌كانی مادده‌ی (331) له یاسای سزادانی عێراقی ژماره 111ی ساڵی 1969، وه‌ك هه‌مواركراو، به‌گوێره‌ی ئه‌و ده‌سه‌ڵاتانه‌ی كه به لیژنه‌ی باڵای لێكۆڵینه‌وه دراوه، ئه‌نجامدراوه.
میقداد میری جه‌ختیكرده‌وه كه "لیژنه‌كه به‌رده‌وامه له كاره‌كانی، ئه‌نجامی كۆتایی لێكۆڵینه‌وه‌كه به شێوه‌یه‌كی شه‌فاف ڕاده‌گه‌یه‌نرێت له‌گه‌ڵ ته‌واوبونی".
شه‌وی چوارشه‌ممه 17ی (ته‌مموز/7)ی 2025 ئاگرێكی به‌رفراوان له‌ناو مۆڵێكی بازرگانی له ناوه‌ندی شاری كوت له پارێزگای واست كه‌وته‌وه و به‌هۆیه‌وه ده‌یان كه‌س گیانیان له‌ده‌ستدا و برینداربون. تیمه‌كانی به‌رگری شارستانی له چۆڵكردن و كۆنترۆڵكردنی ئاگره‌كه‌دا به‌هۆی ئاڵۆزی شوێنی ئاگره‌كه و نه‌بونی مه‌رجه‌كانی سه‌لامه‌تی بیناكه ڕوبه‌ڕوی كێشه بونه‌ته‌وه.
كلمات مفتاحية
اخبار ذات صلة
تعليقات
أحدث الاخبار
أرنولد يطوي صفحة "خليجي 27" ويُراهن بالعناصر الجديدة على التألق الآسيوي
طهران تشكر بغداد على تسهيل أربعين رحلة جوية يومياً عبر النجف
خريطة احتياطيات الذهب العربية.. السعودية بالصدارة والعراق ثالثاً
القبض على تجار مخدرات دوليين على الحدود العراقية - السورية
اعتقال 308 متهمين خلال أيلول الماضي بينهم 31 بقضايا نزاهة
تباين الذهب في الأسواق العراقية.. تراجع بالعاصمة وارتفاع بكردستان
مجلس النواب ينشر جدول أعمال جلسة يوم الإثنين المقبل
الدولار يستهل بداية الأسبوع مرتفعاً مقابل الدينار العراقي
التعليم تعلن تمديد التقديم إلى قنوات القبول المركزي
الأنواء: 16 محافظة تسجل دون الأربعين درجة
الأنواء: استمرار فرص هطول الأمطار في البلاد
ترامب: قضية إيران ستنتهي قريباً وستنخفض أسعار النفط
العراق يثمن التفهم الأمريكي ويؤكد حصر السلاح وقرار الحرب بيد الدولة
استئناف الرحلات الجوية لشركات الطيران الإيرانية من وإلى مطار النجف
العراق يحذر من تجدد الصراع الأمريكي الإيراني ويعلن استعداده للوساطة بينهما
اجتماع مرتقب بالرياض لتفعيل التعاون العسكري بين السعودية وتركيا وباكستان
الأنواء: لا مؤشرات لعواصف ترابية خلال الموسم الشتوي
