عێراقچی: گۆڕینی ناوی کەنداوی فارس سووکایەتییە بۆ ئێران

08:14 2025-05-08 55780 عەرەبی و نێودەوڵەتی 0

2025-05-08

55780

وەزیری دەرەوەی ئێران لەبارەی گۆڕینی ناوی کەنداوی فارس هەڵوێستی نواند ووتی دڵنیام سەرۆک کۆماری ئەمریکا دەزانێت کە ناوی کەنداوی فارس سەدان ساڵ مێژووی هەیە و لەلایەن هەموو نیگارکێش و ناوەندە نێودەوڵەتییەکانەوە بە فەرمی ناسراوە و هەر جۆرە گۆڕانێک تێیدا ئیدانە کراوە.
عەباس عێراقچی وەزیری دەرەوەی ئێران لە تۆڕی کۆمەڵایەتی ئیکس بە زمانی ئینگیزی و فارسی کەموتەڵع بەدواداچوونی بۆ کردووە نووسی: ناوی کەنداوی فارس، وەکوو زۆربەی ناورە فوگرافیاییەکان، ڕیشەیەکی قووڵی لە مێژووی مرۆڤدا هەیە. ئێران هەرگیز ناڕەزایەتی دەرنەبڕیوە هەمبەر ناوگەلێک وەکوو دەریای عومان، ئوقیانووسی هیند، دەریای عەرەب و دەریای سوور. بەکارهێنانی ئەو ناوانە بە واتای خاونایەتی هیچ گەلێکی تایبەت نییە، بەڵکوو نیشاندەری ڕێزی هاوبەش بە میراتی کۆمەڵی مرۆڤەکانە.

ناوبراو زیادی کرد: لە بەرانبەردا، ڕقی سیاسی بۆ گۆڕینی ناوی مێژوویی کەنداوی فارس، نیشاندەری ڕقی دوژمنانە لە ئێران و خەڵکەکەیەتی و بە توندی ئیدانە دەکرێت. ئاوەها هەوڵگەلێکی دوژمنانە، سووکایەتی بە هەموو ئێرانییەکان، بێ سەرەڕای پێشینە و شوێنی دانیشتنیانە.

عێراقچی وتیشی: هیوادارم کە ئەو دەنگۆیانە کە لە سەر ناوی کەنداوی فارس هەیە، شتێک جگە لە کەمپەینێکی بڵاو کردنەوەی درۆ لەلایەن کەسانێکی هەمیشە شەڕخواز بۆ تووڕە کردنی ئێرانییەکان لە سەرتاسەری جیهان و هاندانیان نەبێت.

ناوبراو بە ئاماژە بە مێژووی دێرینی ناوی کەنداوی فارس، جەختی کرد: دڵنیام سەرۆک کۆماری ئەمریکا دەزانێت کە ناوی کەنداوی فارس سەدان ساڵ مێژووی هەیە و لەلایەن هەموو نیگارکێش و ناوەندە نێودەوڵەتییەکانەوە بە فەرمی ناسراوە و هەر جۆرە گۆڕانێک تێیدا ئیدانە کراوە و تەنانەت تا ئەم دواییانەش لە دەیەکانی 1960 لەلایەن هەموو ڕێبەرانی ناوچەکەوە بە شێوەی فەرمی بەکار هێنراوە.

وەزیری دەرەوەی ئێران وتیشی: هەر جۆرە هەوڵێکی کورت بینانە لە ئەو بارەوە هیچ بەڵگە یان کاریگەری یاسایی یان جوگرافیایی نابێت، جگە لە ئەوەی کە تووڕەیی هەموو ئێرانییەکان بە هەر جۆرە بیرێکەوەی بە دواوە دەبێت.