عێراق لە چنگی گەرمادایە... پێشبینی تۆز و خۆڵ و بای بەهێز دەکرێت

21:58 2025-07-09 61709 عێراق 0

2025-07-09

61709

ئەمڕۆ چوارشەممە، دەستەی كەشناسی وردەكاری پێشبینییەكانی كەشوهەوای وڵاتی بۆ ڕۆژانی داهاتوو ڕاگەیاند و پێشبینی زیادبوونی خۆڵبارین و بەردەوامی بەرزبوونەوەی پلەكانی گەرمای كرد.
دەستەكە لە بەیاننامەیەكدا كەدەستی موتەڵع کەوتووە، دەڵێت: سبەی پێنجشەممە، كەشوهەوا لە ناوچەكانی ناوەڕاست و باكوور بە پەرشوبڵاوی نیمچە هەور دەبێت، هەروەها لە ناوچەكانی باشوور ساماڵ دەبێت، هاوكات پلەكانی گەرما هاوشێوەی ڕۆژی پێشوو دەبن.
ئاماژەی بەوەشكرد: زۆرترین پلەكانی گەرما لە بەغدا و دیالە و كەربەلای پیرۆز و نەجەفی ئەشرەف و زیقا و واست و دیوانیە 46 پلە، لە سەڵاحەدین و بابل و موسەننا 45 پلە، لە بەسرە و میسان 47 پلە دەبێت، هاوكات لە دهۆك و سلێمانی 41 پلە و هەولێر 42 پلە، لە نەینەوا و كەركوك 45 پلە دەبێت.
راشیگەیاند: رۆژی هەینی كەش و هەوا ساماڵ دەبێت لەگەڵ هەندێك هەور، هەروەها بای باكووری ڕۆژئاوا بە خێرایی سووك بۆ مامناوەند دەبێت، چالاك دەبێت لە ناوچەی ناوەڕاست، كە دەبێتە هۆی زریانی خۆڵ. پلەكانی گەرما كەمێك بەرزدەبنەوە لە سەرتاسەری وڵاتدا.
ڕوونیشیكردەوە: رۆژی شەممە، كەش و هەوا بەشێوەیەكی گشتی ساماڵ دەبێت، بۆ نیمچە هەور دەگۆڕێت بەسەر ناوچە شاخاوییەكانی ناوچەی باكوردا. بای سوك بۆ مامناوەندی باكووری ڕۆژئاوا لە ناوچەی ناوەڕاست چالاك دەبێت و دەبێتە هۆی دروستبوونی زریانی خۆڵ. پلەكانی گەرما هاوشێوەی ڕۆژی پێشوو دەبێت لە ناوچەكانی ناوەڕاست و باشوور، كەمێك بەرزدەبێتەوە لە ناوچەكانی باكور.
ئاشكراشیكرد: كەشوهەوای ڕۆژی یەكشەممە بەگشتی ساماڵ دەبێت، بەشێكی تا زۆربەی كاتەكان هەور دەبێت لە ناوچەی باكوور. بای سووك بۆ مامناوەندی باكووری ڕۆژئاوا لە ناوچەی ناوەڕاست چالاك دەبێت و دەبێتە هۆی زریانی خۆڵ. پلەكانی گەرما لە سەرتاسەری وڵات بەرزدەبنەوە.