سەرۆکایەتی کۆمار داوا لە بەغدا و هەولێر دەکات هاوکار بن بۆ دەستپێکردنەوەی هەناردەکردنی نەوت
سەرۆکایەتی کۆمار، ئەمڕۆ سێشەممە جەختی کردەوە کە دۆزینەوەی دەرچەیەک بۆ هەناردەکردنی نەوتی عێراق کارێکی گرنگە و بەرژەوەندی باڵای وڵات دەستەبەر دەکات.
سەرۆکایەتی کۆمار لە راگەیندراوێكدا کە دەستی ئاژانسی موتەڵع کەوتووە، ڕایگەیاند: "لەو بارودۆخە هەستیارەی ئێستادا کە وڵاتەکەمان تێیدا تێپەڕ دەبێت، جەخت لە پابەندبوونمان بە یەکڕیزی نیشتمانی هەموو ڕۆڵەکانی گەلی عێراق دەکەینەوە، لەگەڵ پێویستی دوورکەوتنەوە لە ناکۆکییە لاوەکییەکان کە خزمەتی بەرژەوەندی گشتی ناکەن"، جەختیشی کردەوە کە "ئەم قۆناغە پێویستی بە تەبایی و یەکگرتوویی زیاتر هەیە، نەک پەرتەوازەیی و دابەشبوون".
له راگەیندراوێكدا ئاماژە بەوەش کردووە: "دۆزینەوەی دەرچەیەک بۆ هەناردەکردنی نەوتی عێراق کارێکی گرنگە و بەرژەوەندی باڵای وڵات دەپێکێت"، داواشی لە حکومەتی فیدراڵی و حکومەتی هەرێمی کوردستان کرد کە "هاوکاری تەواو بکەن لەپێناو دەستپێکردنەوەی هەناردەکردنی نەوتی خاو بۆ دەرەوەی عێراق، و کارکردنی هاوبەش بۆ چارەسەرکردنی هەموو کێشە و پرسە هەڵپەسێردراوەکان بە شێوەیەک کە لەگەڵ بڕگەکانی دەستوور و یاسادا بگونجێت و بەرژەوەندی باڵای وڵات بەدیبهێنێت و خزمەتی هەموو ڕۆڵەکانی گەلی عێراق بکات".
هه‌روه‌ها ئه‌وه‌یش هاتووه كه: "بەدواداچوونمان بۆ ئەو نیشانە ئەرێنییانە کردووە کە لەلایەن حکومەتی فیدراڵی و حکومەتی هەرێمی کوردستانەوە لەم چوارچێوەیەدا دەرچوون، و هیوادارین ئەم هەنگاوانە بەهێزتر بکرێن بە جۆرێک کە یارمەتیدەر بێت لە چارەسەرکردنی ئەم دۆسیە زیندووە و بەهێزکردنی سەقامگیری ئابووری و خزمەتکردنی بەرژەوەندییەکانی هاووڵاتیان لە سەرانسەری وڵاتدا".
بەپێی راگه‌یندراوه‌كه، سەرۆکایەتی کۆمار داوای لە ئەنجومەنی نوێنەران کردووە کە "بە ڕۆحیەتی بەرپرسیارێتی نیشتمانییەوە مامەڵە بکات، و بەرژەوەندی نیشتمان بخاتە سەروو هەر پێوەرێکی ترەوە، و کار بکات بۆ دوورکەوتنەوە لە ناکۆکییەکان، چونکە بەرژەوەندی عێراق دەبێت لە سەروو هەموو شتێکەوە بێت".
له‌راگەیندراوێكدا جەختی کردەوە کە "جەوهەری سیستەمی فیدراڵی لەسەر بنەمای یەکگرتوویی و هاوکاری نێوان هەموو دەسەڵاتەکان و پێکهاتەکانە، ئەمەش داوا لە هەمووان دەکات کە خاوەن ڕۆحیەتی بەرپرسیارێتی بن و کار بکەن بەرەو بەهێزکردنی لێکتێگەیشتن و یەکڕیزی نیشتمانی و دوورکەوتنەوە لە پەرەسەندن و ناکۆکییەکان"، لە کۆتاییدا هیوای خواست "گەلەکەمان لە هەر ناخۆشییەک پارێزراو بێت و هەموومان سەرکەوتوو بین بۆ ژیان لەناو ئاشتی، گەشەپێدان و یەکڕیزییەکی نیشتمانی پتەودا".
كلمات مفتاحية
اخبار ذات صلة
تعليقات
أحدث الاخبار
نائب يكشف: 3 مليارات دولار نقداً ستصل العراق والرواتب مؤمنة لعام 2027
إطفاء البدالات الرئيسة لشركة كورك وإيقاف تغطية شبكتها في 14 محافظة
آميدي والحكيم يدعوان إلى ترسيخ الأمن وإبعاد العراق عن صراعات المنطقة
ما العلاقة بين فيتامين B12 وأمراض القلب والشرايين؟ دراسة تُجيب
الأنواء الجوية تحذر من استمرار التقلبات الجوية وهطول الأمطار
توجيه بإنهاء الشكاوى والدعاوى المقامة ضد الصحفيين بعموم العراق
السجن 30 سنة لمدانة هاربة اختلست مبالغ مالية
نائب الزيدي يكشف عن انخفاض مرتقب لسعر الدولار الموازي ليقترب من الرسمي
ارتفاع أسعار الدولار في بغداد وأربيل عند الإغلاق
طهران: المفاوضات جارية وتشهد تقدماً
العراق يستهلك 45 مليار متر مكعب من مياه الشرب سنوياً
استرداد ما يتخطى 21 مليار دينار بقضية احتيال لصالح الدولة
المؤبد بحق إرهابي خطط لاستهداف زوار الزيارة الأربعينية
التعليم تعلن بدء التقديم إلى قناة القبول المباشر الخاص بالجامعات الحكومية
أسعار صرف الدولار تواصل الارتفاع مقابل الدينار في أسواق العراق
التربية تقرر سنة عدم رسوب للمراحل الدراسية الأكاديمية والمهنية ومعاهد الفنون
للأسبوع الخامس توالياً... أميركا متوقفة عن شراء الخام العراقي