سەرۆک کۆمار بانگهێشتنامەیەکی بۆ بەشداریكردن لە كۆنفرانسی لوتكەی كەشوهەوا (COP 29) پێ گەیشت

19:10 2024-04-24 35303 عێراق 0

2024-04-24

35303

ئەمڕۆ چوارشەممە، عەبدوللەتیف جەمال ڕەشید، سەرۆك كۆمار پەیامێكی نووسراوی لە هاوتا ئازەرییەكەی، ئیلهام عەلیێڤەوە پێگەیشت بۆ بەشداریکردن لە کۆنفرانسی لوتكەی كەشوهەوا (COP 29).

فەرمانگەی ڕاگەیاندنی سەرۆكایەتی كۆمار لە راگەیندراوێكدا بڵاویکردەوە،"سەرۆك كۆمار، عەبدوللەتیف جەمال ڕەشید، پەیامێكی نووسراوی لە سەرۆكی كۆماری ئازەربایجان، ئیلهام عەلیێڤەوە پێگەیشت، كە پەیامێكی خۆی لەخۆگرتبوو بانگهێشتنامە بۆ بەشداریكردن لە كۆنفرانسی لوتكەی كەشوهەوا (COP 29) كە لە ماوەی مانگەكەدا لە باكۆی پایتەخت بەڕێوەدەچێت، ئاماژەی بەوەشكرد كە "ئەمە لە كاتی پێشوازیكردنی سەرۆكی كۆماردا لە كۆشكی ئاشتی لە بەغدا، باڵیۆزی كۆماری ئازەربایجان لە عێراق، نەسیر مەمەدۆڤ هات".
بەگوێرەی راگەیندراوەكە، سەرۆك كۆماری ، "سوپاس و پێزانینی خۆی بۆ ئەو بانگهێشتەیە دەربڕی، هەروەها باڵیۆز سڵاوی خۆی گەیاندە سەرۆك ئیلهام عەلیێڤ، و هیواكانی بە گەلی ئازەربایجان بۆ گەشەپێدان و خۆشگوزەرانی زیاتر".
هەروەها سەرۆك كۆمار ئاماژەی بۆ ئەوەی كرد كە "پێویستی ئەنجامدانی ئەم جۆرە كۆنفرانسانە لە ژێر ڕۆشنایی گۆڕانی كەشوهەوا و لێكەوتەكانی لەسەر ژینگە، وەك پلەی گەرما بەرز و بیابانبوون و وشكەساڵی، كە زۆربەی وڵاتانی جیهان بە دەستیەوە دەناڵێنن"، ئاماژەی بە "گرنگی بەدواداچوون بۆ جێبەجێكردنی ئەو بڕیار و پێشنیارانەی كە لەلایەن كۆنفرانسە پێشووەكانەوە دەرچوون و چالاككردنیان بە مەبەستی چارەسەركردنی كاریگەرییەكانی گۆڕانكارییەكان و پابەندكردنی وڵاتان بە جێبەجێكردنی ستانداردەكان كە گەرەنتی پاراستنی ژینگە لە پیسبوون دەكەن".
لە راگەیندراوەكەدا ئەوەیش هاتووە كە سەرۆك كۆمار خەتی لە "گرنگی بەهێزكردنی پەیوەندییە دووقۆڵییەكان و فراوانكردنی قەبارەی هاوكارییەكانی نێوان هەردوو وڵات بەتایبەتی لە بوارەكانی ئابووری و وەبەرهێنان و گەشتیاری و گواستنەوەی ئاسمانی و سود وەرگرتن لە تواناكانیان بۆ گەیشتن بە گەشەسەندنی هەمەلایەنە".
لای خۆیەوە باڵیۆز مامدۆڤ "پێزانینی بەرزی خۆی بۆ بەرژەوەندیی سەرۆك كۆمار بۆ پەرەپێدانی پەیوەندی و میكانیزمەكانی پەیوەندی و هەماهەنگی نێوان عێراق و ئازەربایجان" دەربڕی، جەختی لەسەر "ویست و پەرۆشی وڵاتەكەی بۆ چەسپاندنی پەیوەندییە هاریكارییەكانی لەگەڵ عێراق لە بوارە جیاجیاكاندا كردەوە".