سەرۆک وەزیران: لەگەڵ تورکیا ڕێککەوتنی جۆراوجۆرمان واژۆ کردووە

18:07 2024-04-22 86106 عێراق 0

2024-04-22

86106

محەمەد شیاع سودانی رایگەیاند، لەگەڵ تورکیا ڕێککەوتنی جۆراوجۆرمان واژۆ کردووە گرنگتێینیام دۆسیەی ئاوە و بە بنیدانانی پڕۆژە بۆی و رێکخستنەوەی شێوازی ئیدارەدانی ئاوی روباری دیجلە و فورات، ئەو رێککەوتننەش بۆ ماوەی 10 ساڵ بەردەوام دەبێت.

محەمەد شیاع سودانی سەرۆک وەزیرانی عێراق لە کۆنفرانسێکی رۆژنامەوانیدا رایگەیاند، دراوسێیەتی نێوان عێراق و تورکیا وێنەیەکی نایابی هەبوە، سیاسەتمان ئاڵنگارییەکان بەرەو هەلی سەرکەوتن لە زۆربەی بوارەکان دەبات، هەروەها بنەمای رونیان هەیە کە پەیوەندی ئەرێنی لەگەڵ هەمو وڵاتان دروست دەکات.

ئاماژەی بەوەشکرد، رێککەوتنی ستراتیژی لە نێوان عێراق و تورکیا واژۆ کرا کە دەبێتە نەخشەرێگایەکی ستراتیژی پتەو لە زۆربەی بوارەکان، لە رێگەی ئەو رێککەوتنەوە چەند لیژنەیەک لە بوارەکانی، ئابوری، وزە و ئەمنی دروست دەکرێت
سودانی ئەوەشی خستەڕو، لەبارەی دۆسیەی ئاو رێککەوتنێکیان واژۆ کردوە کە کار بۆ بنیادنانی پڕۆژەی تایبەت بە ئیدارەدانی ئاوی روباری دیجلە و فورات دەکات، هەروەها توێژینەوەیان لەبارەی هەماهەنگی ئەمنی هاوبەش کردوە کە پێویستی هەردو وڵات دابین دەکات و روبەروی ئەو ئاڵنگارییانە دەبێتەوە کە بەهۆی چەند گروپێکی چەکدارییەوە دروستبون کە لەوابەیە لەگەڵ تیرۆرستان پەیوەندیان هەبێت.
لەلایەکی دیکەوە رەجەب تەیب ئەردۆگان سەرۆک کۆماری تورکیا رایگەیاند، عێراق دراوسێێەکی گرنگی تورکیایە، ئیرادەیەکی بەهێزی سیاسییان هەیە بۆ هاندان و بەرەوپێشبردنی پەیوەندییەکان لەگەڵ عێراق، ئەو رێککەوتنانەی کەمێک لەمەوبەر واژۆیان کرد، خالێکی وەچەرخانی نوێ لە پەیوەندییەکانی نێوان ئەنقەرە و بەغدا دروست دەکەن.
ئاماژەی بەوەشکرد، بڕیاریان داوە لیژنەی هاوبەشی هەمیشەیی بۆ کارکردن لە بوارەکانی بازرگانی، ئاو، ئابوری، سەربازی و ئەمنی دروست بکەن، یەکێک لە رێککەوتنەکانیان بۆ بەرەنگاربونەوەی رێکخراوی گیولەنی تیرۆرستی بوە، جگەلەوەش گفتوگۆیان لەبارەی هەنگاوە هاوبەشەکانی عێراق و تورکیا بۆ بەرەنگاربونەوەی پەکەکە کردوە، هەروەها دەیانەوێت ئاڵوگۆڕی بازرگانی نێوان هەردو وڵات بۆ سەرو 20 ملیار دۆلاری ساڵانە زیاد بکەن.