سەرۆک وەزیران بەردی بناغەی نۆژەنکردنەوەی پڕۆژەی یانەی ئەفسەرانی فەرماندەیی لە بەغدا دانا

22:08 2024-01-13 48711 عێراق 0

2024-01-13

48711

ئەمڕۆ شەممە"محەممەد شیاع سودانی" سەرۆک وەزیران،بەردی بناغەی کارکردنی لە پڕۆژەی نۆژەنکردنەوەی یانەی ئەفسەرانی فەرماندەیی لە بەغدا دانا.
نووسینگەی ڕاگەیاندنی سەرۆک وەزیران لە بەیاننامەیەکدا رایگەیاند :- ئەمرۆ شەممە "محەممەد شیاع سودانی" سەرۆک وەزیران،بەشداری کرد لە دانانی بەردی بناغەی کارەکانی پڕۆژەی نۆژەنکردنەوە یانەی ئەفسەرانی فەرماندەیی لە بەغدای پایتەخت ، کە پێشتر ئەنجومەنی وەزیران دەنگی لەسەر دابوو،و درایەوە بەو کۆمپانیا سربییەی کە لە ساڵانی هەشتاکانی سەدەی ڕابردوودا بیناکەی دروستکردبوو.
بەگوێرەی بەیاننامەکە :سودانی پێداچونەوەی بەو پلانە کرد،کەلەلایەن کۆمپانیای جێبەجێکارەوە خراوەتەڕوو و تیایدا وردەکارییەکانی پڕۆژەکە لەخۆدەگرێت،هەروەک جەخت لەسەر پێویستی جێبەجێکردنی پرۆژەکە کرایەوە لەسەر بنەمای ستاندارد و تایبەتمەندییە بەرزەکان،هەروەک جەخت لەسەر پێویستی تەواوکردنی پڕۆژەکە کرایەوە لەکاتی دیاریکراودا،بەپێی کارنامەو ڕێبازی حکومەت و وردبینی لە جێبەجێکردنیدا.
هەر بەپێی بەیاننامەکە سەرۆک وەزیران لەمیانی پرۆژەکەدا ڕایگەیاند:-یانەی ئەفسەرانی فەرماندەیی یەکێکە لە باڵاخانە گرنگەکانی شار،بەتەواو بوونی ئەم پڕۆژە خزمەتگوزارییە ،ڕەنگدانەوەیەکی گرینگی دەبێت لەسەر بەرژەوەندی و گرنگیدانی حکومەتە بە فەرماندەکان لەگەڵ خانەوادەکانیان،ئینجا خزمەتدا بن یان خانەنشین بووبن.
وەک بەیاننامەکە روونیکردۆتەوە :-کۆمپانیای جێبەجێکار،کۆمپانیای(یوگر ئەمبورت)ی سربی یە، کە هەمان ئەو کۆمپانیایە کە زیاتر لە سێ دەیە لەمەوبەر یانەی ئەفسەرانی فەرماندەیی بونیادنا، کە بریتی یە لە هۆڵ و شانۆ و شوقە و هۆتێل، وەک خۆیی نۆژەندەکرێتەوە و لەگەڵ زیادکردنی هۆڵێ کۆنفڕانس و شوێنی وەفدەفەرمییەکان .