‏سەرۆک رەشید پێشوازی لە نوێنەری سکرتێری گشتیی نەتەوە یەکگرتووەکان لە عێراق دەکات ‏

17:32 2025-08-18 42112 عێراق 0

2025-08-18

42112

ئەمڕۆ دووشەممە، سەرۆک کۆمار د.لەتیف جەمال ڕەشید، لە کۆشکی بەغدا، پێشوازیکرد لە محەمەد حەسان، نوێنەری سکرتێری گشتیی نەتەوە یەکگرتووەکان لە عێراق.
‏نوسینگەی ڕاگەیاندنی سەرۆکایەتی کۆمار لە ڕاگەیەندراوێکدا بڵاویکردەوە : "ئەمڕۆ دووشەممە، سەرۆک کۆمار د.لەتیف جەمال ڕەشید، لە کۆشکی بەغدا، پێشوازیکرد لە محەمەد حەسان، نوێنەری سکرتێری گشتیی نەتەوە یەکگرتووەکان لە عێراق".
‏بەگوێرەی بەیاننامەکە ، لە میانی دیدارێکدا "گفتوگۆ لەبارەی ڕەوشی گۆڕەپانی ناوخۆیی و ڕۆڵی نێردەی نەتەوە یەکگرتووەکان کرا لە پشتیوانیکردنی سەقامگیریی عێراق و پەرەپێدانی ڕێڕەوەکانی گەشەپێدان، سەرەڕای تاوتوێکردنی ڕێگاکانی فراوانکردنی ئاسۆی هاوکاری و هەماهەنگیی هاوبەش لەگەڵ ئەو ڕێکخراوە نێودەوڵەتییە".
‏هەروەها، لە دیدارەکەدا باس لە "پێشهاتەکانی دۆخی ناوچەیی کرا، کە تێیدا سەرۆک کۆمار جەختی لە هەوڵە بەردەوامەکانی عێراق کردەوە بۆ پتەوکردنی دیالۆگ و لێکتێگەیشتن لە نێوان وڵاتانی ناوچەکەدا، و گرنگیی ڕۆڵی نەتەوە یەکگرتووەکانی لە پشتیوانیکردنی ئاسایش و ئاشتی و سەقامگیریی ناوچەکەدا دووپات کردەوە".
‏لای خۆیەوە، حەسان "پابەندبوونی نەتەوە یەکگرتووەکانی بۆ پشتیوانیکردن و پاڵپشتیکردنی عێراق لە بوارە جیاجیاکاندا نوێ کردەوە". هەروەها "پەرۆشیی ڕێکخراوەکەیانی بۆ بەردەوامبوونی هاوکاری لەگەڵ عێراق دەربڕی بۆ ئاسانکاری لە بەدیهێنانی ئامانجەکانی گەشەپێدان و پشتیوانیکردنی ئەو هەوڵانەی کە ئامانجیان پتەوکردنی سەقامگیری و گەشەکردنە".