ئەمڕۆ شەممە"محەممەد شیاع سودانی" سەرۆک وەزیران ڕایگەیاند :- کە حکومەت پێشکەوتنی گرنگی بەدەستهێناوە لەڕووی دەستەبەرکردنی پێداویستیەکانی کارتی بەشەخۆراکەوە.
سودانی لە وتارێکدا  لە میانەی کردنەوەی پڕۆژەیەکی پەلەوەر لە کەربەلا، رایگەیاند :- ئێمە پیرۆزبایی لە گەلەکەمان لە خەڵکی پارێزگای کەربەلای پیرۆز دەکەین ، بۆ کردنەوەی ئەم پرۆژە وەبەرهێنانە ستراتیژییە.
ئاماژەی بەوەشدا ، کە پڕۆژەکە ئامانجی چیرۆکێکی سەرکەوتنی ڕاستەقینە دەکات لە بواری وەبەرهێنانی کشتوکاڵیدا .
ئەوەشی خستەروو :- کە من بەناوی حکومەتی عێراقەوە سوپاس و پێزانینێکی گەورە  بۆ وەبەرهێنەر و کۆمپانیای جێبەجێکردنی ئەم پڕۆژەیە دەردەبڕم بۆ ئەو بیرۆکە و پلان و جێبەجێکردنەی پێشکەشیان کردووە لە پرۆژەیەکی یەکگرتوو  کە دەکەوێتە چوارچێوەی بەدەستهێنان و دەستەبەرکردنی ئاسایشی خۆراک بۆ وڵاتەکەمان.
وەک سەرۆک وەزیران وتی :- سەردانەکەی ئەمڕۆمان و ئامادەبوونمان لە کردنەوەی ئەم پڕۆژەیە پاڵپشتییە بۆ وەبەرهێنەری جێبەجێکار بە تایبەتی،و پەیامێکی پاڵپشتیشە بە گشتی بۆ کەرتی تایبەتی عێراق، کە لە یەکەم ڕۆژی تەمەنی ئەم حکومەتەوە هەوڵی متمانەمان داوە پێی.
لە درێژەی قسەکانیدا "سودانی"  دەشلێت :- کەرتی کشتوکاڵ نوێنەرایەتی ئابوری بنەڕەتی  وڵات دەکات لە بەرنامەی حکومەتدا، و دەستمان بە کۆمەڵێک ڕێکار و بڕیار کردووە، جا چ بە پێکهێنانی لیژنەی پاڵپشتی، چ بە زیادکردنی سەرمایەی بانکی کشتوکاڵ، یان پاڵپشتیکردنی کەرتی تایبەت بۆ جێبەجێکردنی پڕۆژەکان، جا لە لایەنی ڕووەک یان ئاژەڵەوە بێت.
ووتیشی :- ئێمە ڕێگەیەکی گرنگمان بڕیوە بۆ  دەستەبەرکردنی جۆرە خۆراکیەکانی کارتی بەشەخۆراک و ئەوەی پەیوەندی بە ئاردەوە هەیە لە ڕێگەی دەستەبەرکردنی بەرهەمی گەنمەوە، چونکە ئێمە کۆگایەکی پێویستمان هەیە بۆ دەستەبەرکردنی ماددە خۆراکیەکان بەهۆی پلانی سەرکەوتووی کشتوکاڵی و بازاڕکردن.
جەختیشی لەوە کردەوە کە ئەم پڕۆژەیە زیادکردنێکی گرنگە بۆ دەستەبەرکردنی پێداویستی خۆراکی مریشک و هێلکە لە بازاڕی عێراقدا.
هەروەک ووتیشی :- سودی ئەم پڕۆژەیە لەوەدایە کە لە ماوەیەکی کەمدا  جێبەجێکراوە، کە لە ساڵی 2022 وە  دەستیپێکردووە، لەسەر ڕووبەرێکی250 هەزار دۆنم.
سودانی ئەوەشی ڕایگەیاند :- کاتێک بەرپرسی جێبەجێکار لە پارێزگادا پشتیوان و پاڵپشتیکەری کەرتی تایبەت بێت، وەبەرهێنەر جێبەجێی دەکات ، جەختیشی  لەوەشکردەوە ئەم هەوڵە هاوبەشەی نێوان کەرتی تایبەت لە پارێزگا و وەزارەت ئەوەیە کە ئەم پڕۆژە گرنگەی بۆ ئێمە بەرهەمهێنا کە بەشدارە لە گەیشتن بە ئاسایشی خۆراک.
ئاماژەی بەوەشکرد:- ئەمڕۆ لەبەردەم هەنگاوێکی پراکتیکیداین بۆ دەستەبەرکردنی ئاسایشی خۆراک بە بەرهەمهێنانی سێ ملیار هێلکە ساڵانە و سێ سەد و چل هەزار تۆن گۆشتی مریشک ساڵانە لەو بەرهەمەی کە بازاڕی ناوخۆیی پێویستی پێیەتی، بۆیە ئێمە لەسەر ڕێگای ڕاستین بەرەو بەدەستهێنانی خۆبژێوی.
وەک ئاماژەی پێدا  "سودی دووەمی ئەم پڕۆژەیە ئەوەیە کە بەدەست هاتووە بەپێی نوێترین تایبەتمەندییەکان جێبەجێ دەکرێت، و هەموو هێڵەکانی بەرهەمهێنان لەلایەن کۆمپانیا گەورە نێودەوڵەتییەکانەوە بە نوێترین تایبەتمەندی بەرهەمدەهێنرێن و ئەمەش ئەژمار دەکرێت بۆ ئەو وەبەرهێنەرەی کە ئەم پلانەی داڕشتووە بۆ ئەوەی بگاتە ئەم کارگە یەکگرتووە کە ئەم بەرهەمهێنانە بەدەست دەهێنێت.
لە درێژەی قسەکانیدا سودانی  ووتیشی : ئێمە دەبینین هەموو کارەکان بە شێوەیەکی ئەلیکترۆنی ڕوون ئەنجام دەدرێن، منیش بە پێی پسپۆڕیی خۆم وەک ئەندازیارێکی کشتوکاڵی قسە دەکەم و ئەمڕۆ دەبینین ئەو تەکنەلۆژیایە هەیە و ئەو تاقیگانەی کە پشکنینی کەرەستەکان دەکەن، ئایا ئەوانەن کەرەستەی خاو یان بەرهەمەکەن، بەپێی تایبەتمەندییە تەندروستی و ژینگەییەکانی پێویست.
سودانی لەبەشێکی وتەکەیدا جەختیشی کردەوە :- کە ئەم پڕۆژەیە کەمتر لە 9 هەزار ئەندازیار و تەکنیککار و پیشەوەر لەخۆدەگرێت، کە یەکسانە بە 3 وەزارەت.
ڕوونیشیکردەوە:- هیچ بەدیلێک نییە جگە لە کەرتی تایبەت، بەو پێیەی ئێمە وەک وڵات توانای دەستەبەرکردنی کارمان بۆ  هەموو کارمەندانمان نییە لە دامەزراندنی حکومەتدا.
ڕاشیگەیاند :-یاسای دەستەبەری کۆمەڵایەتیدا، دەمانەوێت بۆ سەرجەم کرێکاران جێبەجێبکرێت، کە گەرەنتیکردنی خێزانەکانیان و داهاتوویانە، وەک جەختیشیکردەوە کە کەرتی تایبەتی عێراق دەسەڵاتدارە و توانای جێبەجێکردنی ئەو پڕۆژە گرنگانەی هەیە کە بەشدارن لە بەدەستهێنانی ئاسایشی خۆراک و کۆتاییهێنان بە هاوردەکردن.
لەکۆتایی قسەکانیدا سودانی رووناکی خستە سەر ئەوەی : کە سیاسەتی حکومەت کەمکردنەوەی هاوردەکردنە و ئەمەش لەڕێگەی بوونی پڕۆژەی بەرهەمدارەوە ئەنجامدەدرێت کە پێداویستییەکانی بازاڕ دەگرێتەوە، هەروەک  پشتگیری ڕەهای خۆی بۆ "ئەم پڕۆژانە و بۆ هەموو بازرگانان و وەبەرهێنەران کە ئارەزووی جێبەجێکردنی پڕۆژەکان دەکەن دەربڕی .