سودانی جەخت لەسەر گرنگی کارکردن بۆ دەستەبەرکردنی سەرکەوتنی هەڵبژاردنەکانی داهاتوو دەکاتەوە

23:33 2025-05-10 33532 عێراق 0

2025-05-10

33532

محەمەد شیاع سودانی سەرۆک وەزیرانی عێراق ئەمڕۆ شەممە دووپاتی لە گرنگی کارکردن بۆ دەستەبەرکردنی سەرکەوتنی هەڵبژاردنەکانی داهاتوو کرد، لە ڕێگەی بەشدارییەکی فراوانەوە بۆ ئەوەی ئەنجامەکان بەڕاستی ڕەنگدانەوەی ئیرادە و خواستەکانی خەڵک بێت.
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا کەدەستی موتەڵع کەوتووە بڵاویکردەوە"سەرۆکی ئەنجومەنی وەزیران محەمەد شەیاع سودانی، ئەمڕۆ شەممە پێشوازی کرد لە ئەندامانی ئەنجومەنی نوێنەران و ئەنجومەنی پارێزگاکان لەسەر فراکسیۆنی ڕەوتی حیکمەی نیشتمانی.

وتیشی لە میانەی دیدارەکەدا گرنگترین دۆسیە و پرسە نیشتمانی و ناوچەییەکان تاوتوێکران و بەڕێوەچوونی جێبەجێکردنی بەرنامەی حکومەت خرایەڕوو لەگەڵ تەواوکردنی بڕگەکانی لەکەرت و بوارە جیاجیاکاندا و بەردەوام بوون بۆ جێبەجێکردنی پڕۆژەی گەشەپێدان و خزمەتگوزاری لەسەرجەم پارێزگاکانی وڵاتدا.

هەر لە دیدارەکەدا سودانی ئاماژەی بە گرنگی بەهێزکردنی یەکخستنی نێوان دەسەڵاتەکانی جێبەجێکردن و یاسادانان کرد، لەسەر ئاستی حکومەتی فیدراڵی یان لەسەر ئاستی حکوومەتە خۆجێییەکان، بەمەبەستی بەدیهێنانی ئامانجە خزمەتگوزاری و ئابوورییەکان و پتەوکردنی دەستکەوتەکانی گەشەپێدان، هەروەها ئەندامانی ڕەوتی حیکمە پشتیوانی خۆیان بۆ ئەو ڕێڕەوەی گەشەپێدان کە حکومەت پەیڕەوی دەکات دەربڕی و تیشک خستنە سەر ئەولەویەتەکانی بژێوی هاوڵاتیان.

ڕوونیشیکردەوە لە بەشێکی تری دیدارەکەدا ئاماژە بەگرنگی کارکردن بۆ ئامادەکردنی مەرجەکانی سەرکەوتنی هەڵبژاردنی پەرلەمان لەمانگی تشرینی دووەمی داهاتوودا کرا و گرنگی بەشداریکردنی بەرفراوان لەو هەڵبژاردنەدا، بۆ ئەوەی ئەنجامەکان دەربڕینی ڕاستەقینەی ئیرادە و خواستی گەل بێت و پلانەکانی ئاوەدانکردنەوە و بنیاتنان لە سەرانسەری عێراقدا تەواوبکرێن.