سودانى پەیوەندییەکی تەلەفۆنی لە سەرۆک وەزیرانی ئیتاڵیا-وە پێدەگات

23:12 2023-10-30 27523 عێراق 0

2023-10-30

27523

نوسینگەی ڕاگەیاندنی سەرۆکی ئەنجومەنی وەزیران رایگەیاند:محەمەد شەیاع سودانى ئێوارەی ئەمڕۆ دووشەممە پەیوەندییەکی تەلەفۆنی پێگەیشت لە سەرۆک وەزیری ئیتاڵیا-وە خاتوو جۆرجیا میلۆنی، کە تیایدا تاوتوێی پەیوەندییە دوو قۆڵییەکانی نێوان هەردوو وڵاتی دۆست و چۆنیەتی باشترکردنیان کرا، جگە لەوەش بەدواداچوون بۆ پشهاتە هەرێمیی و نێودەوڵەتییەکان کرا، پاش هێرشەکانی زایۆنییەکان بۆ سەر کەرتی غەزە.

لە میانی پەیوەندییە تەلەفۆنییەکەدا، سودانی ئاماژەی بەوە کرد کە ناوچەکە بە قۆناغێکی مەترسیداردا تێدەپەڕێت و هەڕەشەی خراپترکردن و فراوانکردنی ململانێکان دەکات و ئەوەی لە 7 ی مانگی تشرینى یەکەمدا ڕوویدا دەرئەنجامی ساڵانێکە لە نادادپەروەری و کوشتن و ڕێز نەگرتن لە پەیماننامە و ڕێککەوتنە نێودەوڵەتییەکان و بێبەشکردنی خەڵکی فەڵەستین لە مافە سەرەتاییەکانیان بۆ ژیانێکی سەلامەت.

سودانی هەڵوێستی جێگیر و بنچینەیی عێراقی دووپاتکردەوە سەبارەت بە مافی فەلەستینییەکان و ئاماژەی بە پێویستییەکی زۆر کرد بۆ هەڵوێستێکی بەرپرسیار لەلایەن کۆمەڵگەی نێودەوڵەتی و وڵاتە زلهێزەکانەوە بۆ چارەسەرکردنی قەیرانی مرۆیی و ڕێگریکردن لە فراوانبوونی ململانێکان کە کاریگەری لەسەر دابینکردنی وزە هەیە و شەڕێکی نوێ بۆ شەڕ و ململانێکانی ئێستا زیاد دەکات.

سەرۆک وەزیران جەختی لەوە کردەوە کە پێویستە ڕێڕەوی پارێزراو بکرێتەوە بۆ گەیاندنی یارمەتییە مرۆیی و پزیشکیەکان بۆ زیاتر لە دوو ملیۆن فەڵەستینی کە لە دۆخێکی تراژیدیادا دەژین.

لە لای خۆیەوە، خاتوو مێلۆنی نیگەرانی ئیتاڵیای دەربڕی سەبارەت بە ڕووداوەکانی غەززە و گرنگییەکانی حکومەتی وڵاتەکەی ئاشکرا کرد لە هەوڵەکانی بۆ کەمکردنەوەی گرژییەکان.

هەروەها ستایشی هەوڵەکانی دەزگا ئەمنییەکانی عێراقی کرد لە پاراستنی ئاسایش و سەقامگیری و ئاماژەی بە هاوبەشی ستراتیژی نێوان عێراق و ئیتاڵیا کرد و هەر لە میانی پەیوەندییە تەلەفۆنییەکەدا بانگهێشتنامەیەکی پێشکەش بە بەڕێز سەرۆکی ئەنجومەنی وەزیران کرد بۆ سەردانی کردنی ڕۆما و بەڕێزییان بەڵێنی دا بە زووترین کات جێبەجێی بکات.