دەستەی دەستپاکی دەستگیرکردنی ١٥ تۆمەتباری لە نەینەوا راگەیاند ‏

22:26 2025-11-15 36854 عێراق 0

2025-11-15

36854

ئەمڕۆ شەممە دەستەی دەستپاکی فیدڕاڵی، ڕایگەیاند کە ١٥ تۆمەتبار دەستگیرکراون بەهۆی دەستبەسەرداگرتنی موڵکەکانی دەوڵەت لە نەینەوا.

‏دەستەکە لە ڕاگەیەنراوێکدا بڵاویکردەوە: "تیمی بەڕێوەبەرایەتی لێکۆڵینەوەی نەینەوا توانیویەتی ١٤ تۆمەتبار دەستگیر بکات بەهۆی دەستدرێژیکردن و دەستبەسەرداگرتنی پارچە زەوییە سەوزاییەکانی سەر بە بەڕێوەبەرایەتی شارەوانی موسڵ، و پارچەپارچەکردن و فرۆشتنیان؛ بە مەبەستی دروستکردنی خانووی نیشتەجێبوون لەسەریان بەبێ وەرگرتنی ڕەزامەندی فەرمی"، ئاماژەی بە "نەبوونی هیچ ڕێکارێکی یاسایی لەلایەن بەڕێوەبەرایەتی شارەوانی موسڵەوە بەرامبەر بەوان" کرد.

‏لە چوارچێوەیەکی تردا، دەستەکە ڕوونیشیکردەوە کە "ئەو تیمەی چووەتە دەستەی پاراستنی کۆمەڵایەتی توانیویانە یەکێک لەو کارمەندانە دەستگیربکەن بەهۆی "ئاسانکاری مامەڵەی موڵکەکان و ئەنجامدانی پرۆسەکانی ڕووپێوی مەیدانی، لە بەرامبەر وەرگرتنی بڕە پارەیەک، هەروەها ئاماژەی بە دۆزینەوەی مامەڵەی هاوڵاتیان لەناو ئۆتۆمبێلی تۆمەتبارەکەدا کرد جگە لە بڵاوکردنەوەی زانیاری و بەڵگەنامە و نووسراو و نامەی فەرمی لە مۆبایلە تایبەتییەکەیدا"

‏وتیشی: "دوو ڕاپۆرتی دەستگیرکردنی فەرمی ڕێکخراون، و لەگەڵ تۆمەتبارەکان و بەڵگە تاوانکارییەکان نمایشکراون لەبەردەم دادوەری دادگای لێکۆڵینەوەی نەینەوا تایبەت بە دۆسیەکانی دەستپاکی، کە بڕیاری دەستبەسەرکردنیانی داوە بەپێی بڕیارەکانی (١٥٤/ شەشەم ساڵی ٢٠٠١) و (١٦٠ ساڵی ١٩٨٣.