حەکیم مشتومڕەکە یەکلایی دەکاتەوە: هیچ دواخستنێکی هەڵبژاردنەکان لەئارادانییە وادەکەی نەگۆڕە

21:12 2025-08-30 29132 عێراق 0

2025-08-30

29132

ئەمڕۆ شەممە سەرۆكی ڕەوتی حیكمەی نیشتمانی عەمار حەكیم، پشتڕاستی كردەوە كە قسەكردن لەسەر دواخستنی هەڵبژاردن بێ بنەمایە.
لە بەیاننامەیەكدا کەدەستی موتەڵع کەوتووە نووسینگەی ڕاگەیاندنی حەكیم ڕایگەیاندووە :عەمار حەكیم ستایشی ئەو هەوڵانەی كرد بۆ دەستەبەركردنی سەركەوتنی وەرزی حوسێنی زیارەتی ئەربەعینی و یادكردنەوەی كۆچی دوایی پێغەمبەری خودا (درودی خوای گەورەی لەسەر بێت)، بە ستایشی خزمەتە بەرزەكانی مەزارگە پیرۆزەكان، حكومەت و ڕێكخراوە حوسێنییەكان و كاروانەكان بۆ زیارەتكارانی ئیمام حسێن (سەلامی خوای گەورەی لەسەر بێت) لە ناوخۆ و دەرەوەی عێراقەوە.
بەگوێرەی بەیاننامەكە، حەكیم جەختی لە پێویستی بەڕێوەبردنی كێبڕكێی هەڵبژاردن لە هەموو گۆڕەپانەكاندا كردووەتەوە و داوای ڕێگریكردن لە ئیستغلالكردنی سەرچاوەكانی دەوڵەت بۆ مەبەستی هەڵبژاردن دەكات، جەختیشی لەوە كردەوە كە بەڕێوەبردنی دروستی ئەم كێبڕكێیە ڕێگە خۆش دەكات بۆ قۆناغێكی ئەرێنی دوای هەڵبژاردن و بتوانێت هەڵبژاردنەكانی داهاتوو بەردەوام بن".
حەكیم ڕایگەیاند : كە قسەكردن لەسەر دواخستنی هەڵبژاردنەكان بێ بنەمایە و هەمووان پشتگیری لە ئەنجامدانیان دەكەن لە بەرواری دیاریكراودا، داوای بەشدارییەكی فراوان و كاریگەر و ئاگادارانە دەكات.
حەكیم جەختی لە گرنگی بنیاتنانی دامەزراوەیی و پاراستن و پەرەپێدانی لە چوارچێوەی بزووتنەوەی حیكمەتی نیشتمانیدا كردەوە. ئێمە جەختمان لەسەر گرتنەبەری ڕێبازێكی مامناوەند دووپاتكردەوە، كە ئەو ڕێبازەیە كە عێراقی پاراستووە و سەقامگیری ئێستای بەدەستهێناوە، و توانیمان بچینە قۆناغێكی سەقامگیری بەردەوام و داوای ئامادەبوونی مەیدانی و بڵاوكردنەوەی ڕۆحی گەشبینی و ئەرێنی لەنێو گەلەكەماندا دەكات.