حەنون: دەسەڵاتی دادوەری پشتیوانی لە دەستپاکی دەکات لە بەرەنگاربوونەوەی گەندەڵی و وەرگرتنەوەی پارە دزراوەکان

00:15 2024-03-11 73890 عێراق 0

2024-03-11

73890

سەرۆکی دەستەی دەستپاکی، دادوەر حەیدەر حەنون، دەستپێکردنی پێشبڕکێیەکی توێژینەوەی بەناونیشانی “بەشداری لە شەڕی گەندەڵی” ڕاگەیاند، هاوکات جەختی لەوە کردەوە کە “دەسەڵاتی دادوەری پاڵپشتی دەستپاکی دەکات لە بەرەنگاربوونەوەی گەندەڵی و وەرگرتنەوەی پارە دزراوەکان”.

حەیدەر حەنون سەرۆکی دەستەی دەستپاکی عێراق لە کۆنفرانسێکی رۆژنامەوانیدا رایگەیاند، توانیومانە ملیۆنێک و 630 هەزار دۆلار لە رەعد قاسم محەمەد بەرێوەبەری پێسوی ئابوری وەزارەتی کارەبای عێراق بسەنەوە، ئەو برە پارەیە بەشێکە لەو 7.5 ملیۆن دۆلارەی کە ئەو کەسە بە رێگای نایاسایی و هەڵئاوسانی سامان پەیدای کردوە.

سەرۆکی دەستەی دەستپاکی وتیشی، نزیکەی سێ ملیار دینارمان لە سێ تۆمەتباری گەندەڵی سەندوەتەوە و تۆمەتبارەکانیش بریتین لە بەرێوەبەری پێشوی ئابوری لە وەزارەتی کارەبا، بەرێوەبەری پێشوی لقی ژمێریاری لە کۆمپانیای نەوتی میسان و بەرێوەبەری پێشوی گومرگی تەرتەبیل.

ئاماژەی بەوەشکرد، هەر لە نێو سامانەکانی ئەو کەسایەتییە بڕی سێ کیلۆگرام زێر دۆزراوەتەوە، بەڵام تا ئێستا بەهاکەیان دیاری نەکراوە و دوای ئەوەی رەوانەی گەنجینەی دەوڵەت کرا، بە گویرەی یاسا بەهاکەی دیاری دەکرێت.

حەنون ئەوەشی خستەڕو، بڕی 1.8 ملیار دیناری دیکە لە ئەبو عەلی ساعدی بەرێوەبەری لقی ژمێریاری کۆمپانیای نەوتی میسان سەنراوەتەوە، ئەو پارەیەی لە ئەستۆی ئەو کەسەیە هەشت ملیار و 600 ملیۆن دیناری عێراقییە.

باسی لەوەشکرد، بڕی 250 هەزار دۆلاری دیکە لە محەمەد حەنش مەحمود بەرێوەبەری پێشوی گومرگی تەرتەبیل سەنراوەتەوە، کە لە بنەڕەتدا پارەکە تایبەتبوە بە کڕیی باڵەخانەی نەخۆشخانەیەکی ناوچەی داودی.