المطلع
عاجل

post-image

حکومەتی هەرێم داوا لە حکومەتی عێراق دەکات پێشنیازەکانیان بکاتە بنەما بۆ پرسی داهاتی نانەوتی ‏


21:12 كوردستان
2025-09-10
49380

ئەمڕۆ چوارشەەمە ئەنجومەنی وەزیرانی هەرێمی کوردستان، داوای لە حکومەتی عێراق کرد ، پێشنیازەکانیان بکاتە بنەما بۆ یەکلاییکردنەوەی بابەتی داهاتە نانەوتییەکان، کە پشتبەستە بە یاسا فیدراڵییەکان و بڕیاری دادگای فیدراڵی.
‏
‏ئەنجومەنی وەزیرانی هەرێمی کوردستان راگەیەندراوێکی لەبارەی کۆبوونەوەکەی ئەمڕۆی ئەنجومەنەکە بڵاوکردەوە و تێیدا هاتووە، بڕگەی یەکەم، گفتوگۆکردن بوو لەسەر دواپێشهاتی هەردوو دۆسیەی داهاتە نانەوتییەکان و دەستپێکردنەوەی هەناردەی نەوتی هەرێم و تاوتوێکردنی بڕیارەکانی کۆبوونەوەی دوێنێی ئەنجومەنی وەزیرانی فیدراڵ لەسەر ئەم دوو بابەتە، کە لەلایەن ئومێد سەباح، سەرۆکی دیوانی ئەنجومەنی وەزیران و ئامانج رەحیم، سکرتێری ئەنجومەنی وەزیران، وردەکارییەکان خرانەڕوو.
‏
‏سەبارەت بە بابەتی بەشی گەنجینەی فیدراڵی لە داهاتە نانەوتییەکانی هەرێم، ئەنجومەنی وەزیران جەختیکردەوە کە پێشنیازی هەرێم سەبارەت بە پۆلێنکردنی داهاتی نانەوتی و شێوازی هاوبەشیپێکردنی لەگەڵ حکومەتی فیدراڵ، پشتبەست بە هەردوو یاسای فیدراڵیی بەڕێوەبردنی دارایی ژمارە 6ی ساڵی 2019 و یاسای بودجەی فیدراڵ ژمارە 13 ساڵی 2023 و بڕیاری دادگای باڵای فیدراڵی کە بە روونی چوارچێوەی یاسایی ئەم بابەتەیان دیاریکردووە، بۆیە ئەنجومەنی وەزیران، داوا لە حکومەتی فیدراڵ دەکات پێشنیازی حکومەتی هەرێم بکاتە بنەما بۆ یەکلاییکردنەوەی بابەتی داهاتە نانەوتییەکان کە پشتبەستە بە یاسا فیدراڵییەکان و بڕیاری دادگای فیدراڵی، تاوەکو چیدی نەبێتە ئاستەنگی بەردەم خەرجکردنی مووچە و شایستەی دارایی مووچەخۆرانی هەرێم. لەکاتێکدا حکومەتی هەرێم داوای شایستەکانی خۆی بەگوێرەی یاسا دەکات، ئەمەش وا دەخوازێت، حکومەتی فیدراڵ، پێشنیاز و تێڕوانینى یاسایی حکومەتی هەرێم لەمبارەیەوە قبوڵبکات.
‏
‏سەبارەت بە بابەتی هەناردەکردنەوەی نەوتی هەرێمیش، بەپێی راگەیەندراوەکە، “کەمال محەمەد ساڵح، وەزیری سامانە سروشتییەکان بە وەکالەت، هەموو ئەو هەنگاو و رێکار و ئاسانکارییانەی وەزارەتەکەی خستەڕوو کە لەپێناو دەستپێکردنەوەی هەناردەی نەوتی هەرێم ئەنجامیانداوە و بەردەوامیشە لە هەوڵەکانی خۆی لەگەڵ وەزارەتی نەوتی عێراق و کۆمپانیا نەوتییەکان بۆ گەیشتن بە رێککەوتنێکی هاوبەش و هاوسەنگی سێ لایەنە، کە لە بەرژەوەنديی گشتی بێت بە ئاراستەی هەرچی زوو دەستپێکردنەوەی هەناردەی نەوت بۆ بازاڕە جیهانییەکان لە رێگای کۆمپانیای سۆمۆ و گەڕانەوەی داهاتەکەی بۆ گەنجینەی فیدراڵی، بۆ ئەم مەبەستەش، وەزارەتی سامانە سروشتيیەکان راسپێردرا بۆ چڕکردنەوەی هەوڵەکان لەگەڵ کۆمپانیا نەوتییەکان بۆ یەکلاییکردنەوەی بابەتە هەڵپەسێردراوەکان و لابردنی هەر بەربەست و ئاستەنگێک”.
‏
‏ئەنجومەنی وەزیران باسی لەوەشکردووە، بڕگەی دووەمی کارنامەی کۆبوونەوەکە، تایبەت بوو بە خستنەڕووی کۆنووسی هاوبەشی وەزارەت و لایەنە پەیوەندیدارەکان تایبەت بە پێشنیازیان سەبارەت بە پیادەکردنی یاسای راژە و خانەنشینی پێشمەرگە ژمارە (38)ی ساڵی 2007 بۆ ئەو خانەنشینانەی کە ئەم یاسایە دەیانگرێتەوە کە لەلایەن شۆڕش ئیسماعيل، وەزیری کاروباری پێشمەرگە و عەبدولحەکیم خەسرەو، سەرۆکی فەرمانگەی هەماهەنگی و بەدواداچوون، خرایەڕوو. لە دوای گفتوگۆ، ئەنجومەنی وەزیران جەختیکردەوە کە پشتیوانی لە هەر راسپاردە و بڕیارێک دەکات، لە بەرژەوەنديی هێزەکانی پێشمەرگە بێت، بە ئاراستەی باشترکردنی مووچەی خانەنشینی و شایستە داراییەکانیان.
‏
‏دەشڵێت، “بۆ ئەم مەبەستە، ئەنجومەنی وەزیران، وەزارەتی دارایی و ئابوریی راسپارد کە لەگەڵ دەستەی خانەنشینی نیشتمانیی فیدراڵ، رێکارە یاساییە پێویستەکان بگرنەبەر بۆ جێبەجێکردنی باشترین بژاردەی یاسایی کە دابینکەری باشترین مووچەی خانەنشینی بێت بۆ هێزەکانی پێشمەرگە کە شایانی باشترین خزمەتن، بە رەچاوکردنی تایبەتمەنديی هێزەکانی پێشمەرگە وەک بەشێکی گرنگ لە سیستمی بەرگريی نیشتمانی کە بەرپرسیاریەتيی بەرچاویان هەیە لە پاراستنی خاک و نیشتمان، لە هەمانکاتدا ئەنجومەنی وەزیران، وەزارەتی دارایی و ئابوریی راسپارد بۆ ئەوەی بە زووترین کات مووچەی خانەنشینی هێزەکانی پێشمەرگە خەرجبکات، کە دواکەوتووە”.
‏
‏لە بڕگەی سێیەمدا، وەک لە راگەیەندراوەکەدا ئاماژەی پێکراوە، ئاوات شێخ جەناب، وەزیری دارایی و ئابوری پێشنیاز و راسپاردەکانی وەزارەتی دارایی سەبارەت بە ئاسانکاریی پێشینە و قەرزەکانی تایبەت بە بوارەکانی (خانووبەرە، کشتوکاڵ، پیشەسازی و نیشتەجێکردن و گەشتیاری) خستەڕوو، کە لە ساڵانی پێشتر، لەلایەن بانکەکانی سەر بە وەزارەتی دارایی و ئابوری، بە هاوڵاتییان دراوە. لە دوای گفتوگۆ، ئەنجومەنی وەزیران بڕیاریدا ئاسانکاریی پێویست بۆ ئەو هاوڵاتییانەی کە پێشتر سوودمەندبوون لە پێشینە و قەرزەکانی بانکەکانی سەر بە وەزارەتی دارایی بکات، ئەویش بە لێخۆشبوون بە رێژەی 15٪ـی بڕی ئەو پێشینە و قەرزانە، سەرەڕای لێخۆشبوون لە تەواوی سوودی بانکی و پێبژاردنی دواکەوتنی دانەوەی قەرزەکان، ئەم ئاسانکارییەش تاوەکو 31ـی 12ـی 2025 بەرکاردەبێت بۆ ئەو هاوڵاتیيانەی دەیانەوێت سوود لەم دەرفەتە وەربگرن. ئەنجومەنی وەزیران وەزارەتی دارایی و ئابوریی راسپارد رێنمایی پێویست بۆ جێبەجێکردنی ئەم بڕیارە دەربکات.
‏

كلمات مفتاحية

اخبار ذات صلة

تعليقات

أحدث الاخبار

جلسة مرتقبة لمجلس الوزراء في بابل وإطلاق مشاريع سكنية وخدمية

جلسة مرتقبة لمجلس الوزراء في بابل وإطلاق مشاريع سكنية وخدمية

2026-11-22 00:04 6753
الزيدي والحكيم يؤكدان أهمية دعم إجراءات الحكومة لمكافحة الفساد

الزيدي والحكيم يؤكدان أهمية دعم إجراءات الحكومة لمكافحة الفساد

2026-11-21 23:19 6426
آرسنال يكتفي بالتعادل (2-2) أمام نيوكاسل في البريميرليج

آرسنال يكتفي بالتعادل (2-2) أمام نيوكاسل في البريميرليج

2026-11-21 23:16 7610
التربية تنشر استمارة التقديم للامتحانات التمهيدية "الخارجي" للعام 2026–2027

التربية تنشر استمارة التقديم للامتحانات التمهيدية "الخارجي" للعام 2026–2027

2026-11-21 22:21 8526
الإعلام الأمني: استكمال إعادة الانتشار وتسليم الملف الأمني بجرف النصر بأقل من شهر

الإعلام الأمني: استكمال إعادة الانتشار وتسليم الملف الأمني بجرف النصر بأقل من شهر

2026-11-21 21:19 6972
طهران: فتح مضيق هرمز ليس صعباً ويكفي قبول واشنطن شروطنا المعقولة

طهران: فتح مضيق هرمز ليس صعباً ويكفي قبول واشنطن شروطنا المعقولة

2026-11-21 19:50 7450
القضاء يتخذ إجراءات قانونية بحق متهمين بتهريب النفط في النجف

القضاء يتخذ إجراءات قانونية بحق متهمين بتهريب النفط في النجف

2026-11-21 18:47 7731
الحكومة العراقية تطلق حزمة قرارات لتعزيز تمويل الدولار واستقرار الأسواق

الحكومة العراقية تطلق حزمة قرارات لتعزيز تمويل الدولار واستقرار الأسواق

2026-11-21 17:45 10329
ضربة استخبارية في بغداد تُفكك مكتباً وهمياً للإتجار بالأعضاء البشرية

ضربة استخبارية في بغداد تُفكك مكتباً وهمياً للإتجار بالأعضاء البشرية

2026-11-21 19:42 5802
مصدر: اعتقال حسين العباسي بتهمة تهريب النفط في محافظة النجف

مصدر: اعتقال حسين العباسي بتهمة تهريب النفط في محافظة النجف

2026-11-21 19:40 7111
بيتكوين تهوي إلى أدنى مستوى منذ 2024 وسط موجة بيع عالمية

بيتكوين تهوي إلى أدنى مستوى منذ 2024 وسط موجة بيع عالمية

2026-11-21 16:10 6671
دراسة: المسلمون سيتجاوزون المسيحيين عالمياً بحلول 2035

دراسة: المسلمون سيتجاوزون المسيحيين عالمياً بحلول 2035

2026-11-21 15:01 8825
لعبة سرقة السيارات الكبرى تحطم المبيعات بمليارات الدولارات في يومها الأول

لعبة سرقة السيارات الكبرى تحطم المبيعات بمليارات الدولارات في يومها الأول

2026-11-21 14:12 7079
النعمان يعلن استكمال انتشار قطعات الجيش وشرطة الطاقة في جرف الصخر

النعمان يعلن استكمال انتشار قطعات الجيش وشرطة الطاقة في جرف الصخر

2026-11-21 14:03 7784
رسمياً... افتتاح الطريق الرابط بين اللطيفية - جرف النصر - كربلاء المقدسة

رسمياً... افتتاح الطريق الرابط بين اللطيفية - جرف النصر - كربلاء المقدسة

2026-11-21 10:39 8753
إثر حريق الهارثة... الزيدي يوجه بإحصاء التجاوزات السكنية وشمولهم بمبادرة وطن

إثر حريق الهارثة... الزيدي يوجه بإحصاء التجاوزات السكنية وشمولهم بمبادرة وطن

2026-11-21 11:39 9675
الدولار يتراجع في بغداد وأربيل مع بدء التداولات الصباحية اليوم السبت

الدولار يتراجع في بغداد وأربيل مع بدء التداولات الصباحية اليوم السبت

2026-11-21 11:26 19850
الداخلية تعلن أسباب وخسائر حريق الهارثة الغازي في البصرة

الداخلية تعلن أسباب وخسائر حريق الهارثة الغازي في البصرة

2026-11-21 11:16 9921