حکومەت جەخت لە پشتیوانی و پەرەپێدانی کەرتی گەشتیاری و هاندانی وەبەرهێنان دەکاتەوە

23:23 2025-04-17 91217 عێراق 0

2025-04-17

91217

محەممەد شیاع سودانی، سەرۆک وەزیرانی عێراق ئەمڕۆ پێنجشەممە جەختی لە گرنگی "پشتیوانی و پەرەپێدانی کەرتی گەشتیاری وڵات و هاندانی وەبەرهێنان" کرد.
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا کەدەستی موتەڵع کەوتووە بڵاویکردەوە"سەرۆکی ئەنجومەنی وەزیران محەمەد شەیاع سودانی، پێشوازی کرد لە سەرۆکی گروپی هۆتێلی جیهانی ڕیکسۆس، فەتاح تامینچی.
وتیشی،سودانی جەختی لەوە کردەوە کە ئەو گەشەسەندن و ئاوەدانکردنەوەیەی عێراق لە بوارە جیاجیاکاندا بەخۆیەوە دەیبینێت بەشدار دەبێت لە ڕەخساندنی چەندین دەرفەتی وەبەرهێنان و جەختی لەسەر بایەخ و پەرۆشی حکومەت کردەوە بۆ پەرەپێدانی کەرتی گەشتیاری لەبەر ڕۆشنایی ژینگەیەکی سەرنجڕاکێش و سەلامەت بۆ وەبەرهێنان، کە بە چاکسازیی گرنگ لەم بوارەدا پاڵپشتی دەکرێت.

سەرۆکی ئەنجومەنی وەزیران ئەوەشی ڕوون کردەوە، کە گرنگیدانی حکوومەت بە پەرەپێدانی ژێرخانی بەغداد و پارێزگاکان بۆ ئامادەکردنیانە بۆ پێشوازیکردن لە کۆمپانیا گەشتیارییە نێودەوڵەتییەکان، کە دەیانەوێت پڕۆژەی گەشتیاری و هۆتێل لە عێراق دابمەزرێنن.

سودانی ئاماژەی بە کەلەپووری گەورەی گەشتیاری عێراق کرد، کە شوێنەوارەکان و ناوەندە ئایینی و کەلتوورییەکانی لەخۆدەگرێت و توانای بەدەستهێنانی هەنگاوی گرنگی هەیە، بۆ ئەوەی ببێتە وڵاتێکی گەشتیاری پێشەنگ و سەرنجڕاکێش بۆ کۆمپانیا تایبەتمەندەکانی بواری گەشتیاری.

لە لای خۆیەوە تامینچی پێداچوونەوەی بە چالاکیەکانی گروپی ریکسۆس لە ناو عێراق کرد و وردەکارییەکانی دوایین پێشهاتەکانی پەیوەست بە پرۆژەکانی لەوڵاتەکە و وردەکارییەکانی پرۆژەکانی لە22 وڵات خستەڕوو و جەختی لەوە کردەوە کە بەرپرسانی کۆمپانیا گەورەکانی گەشتیاری و هۆتێلی جیهانی ستایشی واقیعی وەبەرهێنان لەعیراق دەکات، لەبەر ڕۆشنایی ئەو ئاسانکارییە وەبەرهێنانەی کە حکومەت دابینی دەکات و ئارەزووی خۆیان بۆ کارکردن لەعیراق دەربڕی.