ئیلهام ئه‌حمه‌د: پێویسته‌ دواڕۆژی سوریا له‌ چوارچێوه‌ی ده‌ستورێك بنیاد بنرێت

21:03 2025-08-18 43546 عەرەبی و نێودەوڵەتی 0

2025-08-18

43546

ئیلهام ئه‌حمه‌د هاوسه‌رۆكی فه‌رمانگه‌ی په‌یوه‌ندییه‌كانی ده‌ره‌وه‌ی ئیداره‌ی خۆبه‌ڕێوه‌به‌ریی باكور و ڕۆژهه‌ڵاتی سوریا رایگه‌یاند، پێویسته‌ دواڕۆژی سوریا له‌ چوارچێوه‌ی ده‌ستورێك بنیاد بنرێت كه‌ پێكهاته‌كانی به‌ یه‌كسانی و دادپه‌روه‌ریی پێكه‌وه‌ بژین".

‏ئیلهام ئه‌حمه‌د له‌میانه‌ی به‌شداریكردنی له‌ كۆبونه‌وه‌ی گه‌ل له‌ شاری مارسیلیای فڕه‌نسا باسی له‌ ده‌ستكه‌وته‌كانی شۆڕشی رۆژاڤا و یه‌كێتی نه‌ته‌وه‌یی كورد و وتی، "بۆچونی جیاواز ده‌وڵه‌مه‌ندییه‌، به‌هیواین له‌ نێوان هه‌مو پارته‌ كوردییه‌كان ڕۆحی خوشك و برایه‌تیی دروستبكرێت".

‏ئیلهام ئه‌حمه‌د وتیشی، "له‌ دژی پڕۆژه‌ی پارچه‌ پارچه‌كردنی سوریاین و په‌یوه‌ستین به‌ ڕێكه‌وتنی 10ی (ئازار)ی ئه‌مساڵ، پێویسته‌ دواڕۆژی سوریا له‌ چوارچێوه‌ی ده‌ستورێك كه‌ پێكهاته‌كان به‌ یه‌كسانی و دادپه‌روه‌ریی پێكه‌وه‌ بژین بنیاد بنرێت".

‏له‌ كۆبونه‌وه‌كه‌دا باس له‌ پرۆسه‌ی نێوان توركیا و په‌كه‌كه‌ و گۆڕانكارییه‌كانی ناوچه‌كه‌، ئیلهام ئه‌حمه‌د باسی له‌وه‌كرد، "هه‌رچه‌نده‌ توركیا جار جار هه‌ڵوێستیی ئه‌رێنیی نیشانده‌دات، به‌ڵام ئۆپراسیۆنه‌ سه‌ربازییه‌كان ئارامیی تێكده‌ده‌ن و ئاسایشی هاوڵاتییان ده‌خه‌نه‌ مه‌ترسییه‌وه‌".

‏ئیلهام ئه‌حمه‌د وتیشی، "ئه‌وه‌ی كه‌ ئێمه‌ به‌ په‌كه‌كه‌وه‌ ده‌به‌ستنه‌وه‌ به‌ ته‌واوی هه‌ڵه‌یه‌، په‌كه‌كه‌ له‌ باكور و ڕۆژهه‌ڵاتی سوریا چالاكیی ئه‌نجام نادات".

‏