یەکێتیی: كێشەی مامۆستایان لە خوتوخۆڕایی درێژبۆوە و پەیوەستە بەیەكجاری و چارەسەر بكرێت
راگەیەندراوێک لە مەكتەبی سیاسیی یەكێتیی نیشتمانیی كوردستان سەبارەت بە خۆپشاندانی مامۆستایان.
مەکتەبی سیاسی یەکێتیی ئێوارەی ئەمڕۆ دووشەممە 3ی 2ی 2025، ڕایگەیاند، یەكێتیی نیشتمانیی كوردستان پشتیوانێكی ڕاستوڕەوانی هەموو داخوازییەكی رەوای مامۆستایان و هەموو چین و توێژێكی كوردستانە كە داكۆكی لە مووچەو گوزەرانی شەرافەتمەندانە و سەربەرزانەی خۆیان دەكەن. هەر لەم چوارچێوەیەشدا بافڵ تاڵەبانی كۆتایی بە سەفەرەكەی لە ئەمریكا هێنا بۆ ئەوەی لەنزیكەوە گوشار بخاتەسەر حكومەتی هەرێم و بەغدا بۆ چارەسەری یەكجارەكی ئەم ئیستحقاقەی هاوڵاتیان بكات.
وەک یەكێتی نیشتمانیی كوردستان پێمانوایە مانگرتن و چالاكی جۆراوجۆری مەدەنی مامۆستایان و فەرمانبەران لە پارێزگای سلێمانیی، لە پێناو مووچە و قووتی منداڵەكانیان و دڵنیایی وەرگرتن لەو بارەیەوە ویستێكی مەدەنی دادپەروەرانەیە، چونكە دیاردەی دواكەوتن و دواخستنی مووچە هیچ بیانوویەک هەڵناگرێت. بەتایبەتی كە بڕیارەكانی دادگای ئیتحادی لەسەر ئیستحقاقی مووچە ڕوون و ئاشكران و پێویستە ئەم ئیلتیزامە هاوبەشەی حكومەتی هەرێم و حكومەتی فیدڕالی دوور لە دەست شكاندنەوەی سیاسیی جێبەجێبكرێت.
مەکتەبی سیاسی یەکێتیی نیشتمانیی کوردستان دەڵێت: "پێویستە ئەم كێشە لە خوتوخۆڕایی درێژبۆوە بە یەكجاری و لە ڕیشەوە چارەسەر بكرێت".
ئەمەش لەکاتێکدا، لە بەیانی ئەمڕۆ دووشەممەوە 3ـی شوباتی 2025، هەزاران هاوڵاتی و مامۆستای شار و شارۆچکەکانی پارێزگای سلێمانی ڕوویان لەشاری سلێمانی کرد بۆ ئەنجامدانی خۆپشاندانێکی فراوان دژی حکومەتی هەرێمی کوردستان.
هاوکات، ماوەی حەوت ڕۆژە چەندین مامۆستای ناڕازی لە پێنەدانی مووچەو شایستە داراییەکانیان لە سلێمانی مانیان لە خواردن گرتووە، مامۆستایانی ناڕازی دەڵێن، "سوورن لەسەر مانگرتن تاوەکو دەگەن بە ئامانجەکانیان".
لەلایەکی ترەوە، لە هەولێری پایتەخت، مامۆستا عەلی رەئووف مستەفا، نوێنەری گشتی مامۆستایانی گرێبەست لەلایەن ئاسایشی هەولێر دەستگیرکرا، دوای ئەوەی داوای کردبوو خۆپشاندان لە هەولێر و دهۆک دژی حکومەتی هەرێم بەڕێوەبچێت بەهۆی پێنەدانی شایستە داراییەکانیان.
لەکاتێکدا تا ئەمڕۆ دووشەممە 3ـی 2ـی 2025، حکومەتی کابینەی نۆیەمی ماوە بۆ درێژکراوی هەرێمی کوردستان مووچە و شایستە داراییەکانی مانگەکانی 12ـی 2024 و مانگی 1ی 2025 دابەشنەکردووە.
كلمات مفتاحية
اخبار ذات صلة
تعليقات
دوایین هەواڵەکان
سکاڵاکانی عێراق، ئینتەرپوڵ پاڵدەنێت بۆ بەدواداچوونی سەرکردەکانی گروپە جوداخوازەکانی ئێران لە ئاستی نێودەوڵەتیدا
ئەمریکا و ئێران بە نێوەندگیری پاکستان، یاداشتێکی لێکتێگەیشتنی ١٤ خاڵییان بەمەبەستی کۆتاییهێنان بە جەنگ واژۆکرد
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
تره‌مپ: ره‌نگه ماوه‌ی ئاگربه‌ست له‌گه‌ڵ ئێران درێژ نه‌كه‌مه‌وه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكه‌رانی ئه‌و هێرشه‌ی نزیك هه‌ولێر ده‌ستگیركراون كه ئه‌فسه‌ره فه‌ره‌نسییه‌كه‌ی تیادا كوژرا
عێراق: له رۆژی هه‌ینییه‌وه ده‌ست به گه‌شته ئاسمانییه‌كانی نێوخۆ و ده‌ره‌وه ده‌كرێته‌وه
په‌رله‌مانی عێراق ئه‌ندامانی لیژنه‌ی دارایی په‌سه‌ندكرد؛ پێنج ئه‌ندامیان كوردن
تره‌مپ: لوبنان به‌شێك نییه له رێككه‌وتنی ئاگربه‌ست له‌گه‌ڵ ئێران
حکومەتی عێراق بەتوندی ئیدانه‌ی هێرشەکانی ئه‌مڕۆی ئیسرائیل بۆ سەر لوبنان دەکات
سوپای پاسداران: هێرشه‌كانی سه‌ر لوبنان رانه‌گیرێن، وه‌ڵامی توندمان ده‌بێت
پزیشكیان: ئاگربه‌ست له لوبنان مه‌رجێكی سه‌ره‌كی پێشنیاره 10 خاڵییه‌كه‌ی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
