ڕێبەر ئەحمەد: گروپە چەکدارەکانى ئۆپۆزسیۆنى تورکیا و ئێران لە هەرێمى کوردستان تیرۆریست نیین
ڕێبەر ئەحمەد، وەزیرى ناوخۆى حکومەتى کاربەڕێکەری هەرێمى کوردستان لەمیانەى بەشداریکردنى لە دیدارى سلێمانى ئاماژەى بەوەکرد کە گروپە چەکدارەکانى ئۆپۆزسیۆنى تورکیا و ئێران لە هەرێمى کوردستان "تیرۆریست " نیین، بەڵکو ئەوە تەنها بۆچوون و سیاسەتی ئەو وڵاتانەیە کە دەستەواژەی تیرۆریستیان بۆ بەکاردەهێنن.
ڕێبەر ئەحمەد جەختی لەوەکرد، کۆمەڵێک حزبی ئۆپۆزسیۆنی ئێران لە عێراق بوونیان هەیە، لەلایەن ئێرانەوە بە تیرۆریست ناودەبرێن، هەروەها تورکیا پارتی کرێکارانی کوردستان بەپێی بەرژەوەندی خۆی بە تیرۆریست ناودەبات، بەڵام بۆ ئێمە وەکو عێراق ئەمانە تەنها حزبی ئۆپۆزسیۆنی کوردیین.
رێبەر ئەحمەد وتیشی: "ئێمە لەگەڵ هەبوونی هیچ گروپێکی چەکداری نین لە هەرێمی کوردستان، بەڵام وڵاتانی دراوسێ بە بیانووی جیاواز هێرشدەکەنەسەر خاکی عێراق و هەرێمی کوردستان و سەروەرییەکەی پێشل دەکەن".