وەزیری پەروەردەی فەڕەنسا "گابرێل ئەتال" ڕۆژی یەکشەممە (2023/8/28) ڕایگەیاند، کە پۆشینی عەبا لە قوتابخانەکانی فەڕەنسا قەدەغە دەکرێت و جەختی لەوە کردەوە کە هەوڵدەدات یاسایەکی ڕوون لەسەر ئاستی نیشتمانی بۆ بەڕێوەبەرانی قوتابخانەکان دروست بکات کاتێک پرسیاری لێکرا سەبارەت بەو کێشەیە، کە چەند مانگێکە مشتومڕی لەسەر دەکرێت سەبارەت بەو ڕووداوانەی پەیوەندییان بە پۆشینی جلوبەرگەوە هەیە، ئەتال جەختی لەوە کردەوە کە لە هەفتەی داهاتووەوە ئامانجی ئەوەیە لەگەڵ بەرپرسانی قوتابخانەکان کۆببێتەوە بۆ ئەوەی یارمەتییان بدات لە سەپاندنی قەدەغەکردنەکە.