وەزارەتی نەوتی عێراق رایگەیاند، بیرێکی دیکەیان لە کێڵگەی نەوتی بای حەسەن لە رۆژئاوای پارێزگای کەرکووک تەواوکرد، کە لەلایەن تیمە خۆجێیەکانەوە لێدرابوو، تەواوكردنی ئەم بیرە كاریگەری گەورەی دەبێت لەسەر بوژانەوەی عێراق.
لە راگەیێندراوی وەزارەتەكەدا هاتووە، تیمە خۆجێییەکانی کۆمپانیای هەڵکەندنی بیرە نەوتییەکانی عێراق بیری نەوتیی بای حەسەن/199یان لە کێڵگەی بای حەسەن لە رۆژئاوای کەرکووک بۆ کۆمپانیای نەوتی باکوور تەواوکرد."
بەپێی راگەیێندراوەکە، قووڵیی بیرەکە هەزار و 810 مەتر دەبێت و لە رێگەی بەکارهێنانی ئامێری هەڵکەندنی IDC 222ـەوەوە هەڵکەندراوە کە توانای هەزار ئەسپی هەیە.
بەتەواوكردنی ئەم بیرە پارەی داهات و گەڕاوەی وەزارەتی دارایی زۆر زیاد دەكات، كاریگەری گەورەی دەبێت لەسەر مووچەی هەرێمی كوردستان و عێراق و بوژانەوەی وڵات، جگە لە تەواو كردنی ئەم بیرە رۆژ لە دوای رۆژیش نرخی نەوت لە بەرزبوونەوە دایە، بەجۆرێك بۆ بودجەی عێراق نرخی یەك بەرمیل نەوت 70 دۆلار دیاریكراوە، لە ئێستادا نرخی یەك بەرمیل نەوات بە 91 دۆلارە و بۆ هەر بەرمیلێك زیاتر لە 21 دۆلار زیاترە و كاریگەری گەورەی دەبێت لەسەر داهاتی عێراق.