رۆژنامەی پۆلیتیکۆی ئەمەریکی بڵاویکردەوە، دەسەڵاتدارانی هەرێمی باکووری نەرویج دەیانەوێت ناوچەیەکی کاتی جیاواز دروستبکەن کە رۆژێکی 26 کاتژمێر بێت، بەڵام تا ئێستا چۆنیەتی جێبەجێکردنی ئەو کارەیان دیارینەکردووە.
هەروەها هاتووە، دەسەڵاتدارانی وڵاتی نەرویج بەشێوەیەکی فەرمی داواکارییان پێشکەشی کۆمسیۆنی ئەوروپا کردووە تاوەکو رەزامەندییان پێبدات.
دەسەڵاتدارانی نەرویج دەڵێن، هیوادارن ئەو کارەیان هانی خەڵک بدات بۆ ئەوەی روو لەو ناوچەیە بکەن و کاتی خێزانەکان زیادبکات لەپێناو بەرەوپێشبردنی بەها کۆمەڵایەتییەکان.