تێكۆشەر و نوسەر و رۆژنامەنووس سەلاح عەبدولجەبار مەندەلاوی لە شاری سلێمانی کۆچی دوایی کرد.
مەندەلاوی لە شەستەكانی سەدەی رابردوەوە دەستی بە خەبات و تێكۆشان كردووە لە ریزەكانی پارتی دیموكراتی كوردستان باڵی مەكتەبی سیاسی، هاوكات وەك رۆژنامەنووسێك لە رۆژنامەی (النور) پاشان رۆژنامەی الاتحاد و سایتی PUKMEDIA نووسین و بابەتەكانی بە زمانی عەرەبی بڵاودەكردەوە".
 
سەڵاح مەندەلاوی لە شەوی 18-19 /10/2023 لە شاری سلێمانی كۆچی دوایی كرد و تەرمەكەی لە گۆڕستانی سەلام لە شاری نەجەف بە خاك دەسپێردرێت .
نووسەر و ڕۆژنامەنووس سەڵاح عەبدولجەبار عەلی مەندەلاوی ناسراو بە "سەڵاح مەندەلاوی"، لە ناوچەی "بازاڕی گەورە" لە قەڵای جەمیل بەگ لە ناوچەی مەندەلی لە پارێزگای دیالە لە ساڵی 1946 لەدایکبووە و پسپۆڕ بووە لە زانستی سیاسی کە لە ساڵی 1968 زانکۆی بەغدای تەواو کردووە و لەگەڵ کۆمەڵێک سیاسەتمەداری نەوەی یەکەمی وەک کۆچ کردوو جەلال تاڵەبانی بووه.
مەندەلاوی چەندین جار لەلایەن ڕژێمی پێشووەوە بەهۆی هەڵوێستەکانی لەسەر کێشەی کورد بەدوایدا دەگەڕا و لە ساڵانی نەوەدەکانی سەدەی ڕابردوودا بۆ ماوەی زیاتر لە دوو ساڵ زیندانی کرا، لە ڕووی ئیدارییەوە سزادرا، لە پۆستەکەی وەک بەڕێوەبەری گشتی لە وەزارەتی نەوتی فیدراڵی لابرا و گواسترایەوە بۆ وەزارەتی کار و کاروباری کۆمەڵایەتی وەک فەرمانبەرێکی پلەی حەوت.