سەرۆكی ئەنجومەنی نوێنەران بە وەكالەت موحسین مەندەلاوی، پیرۆزبایی لە هەڵبژاردەی نیشتمانی ئۆڵۆمپیاد كرد بەبۆنەی سەركەوتنی بۆ ئۆڵۆمپیادی پاریس.
مەندەلاوی لە بەیاننامەیەكدا رایگەیاند پیرۆزبایی لە تیپی ئۆڵۆمپیادەكەمان و هاندەرانی وەرزش دەكەین بۆ سەركەوتنی بەنرخیان بەسەر هەڵبژاردەی ئەندەنوسیا و ڕفاندنی بلیتی پاڵاوتنی ڕاستەوخۆ بۆ ئۆڵۆمپیادی پاریس 2024.
وتیشی: نمایشێكی دیار و مەزن و ڕوحی شەڕكردن بۆ یاریزانە پاڵەوانەكانمان بۆ ئەوەی خەڵكی عێراق دڵخۆش بكەین وەك هەموو پشتیوانییەك بۆیان لە كاتێكدا نوێنەرایەتی عێراق دەكەن لە گرنگترین كۆڕبەندی وەرزشیدا كە ئۆڵۆمپیادی پاریسە.
ئێوارەی ئەمڕۆ پێنجشەممە، هەڵبژاردەی نیشتمانیی ئۆڵۆمپیادی عێراقمان سەركەوت بۆ ئۆڵۆمپیادی پاریس، دوای ئەوەی لە یارییەكەدا بە دوو گۆڵ بەرامبەر بە گۆڵێك لە هاوتا ئەندەنوسییەكەی بردەوە و پلەی سێیەم و چوارەمی پێشبڕكێكانی پاڵاوتنەكانی ئۆڵۆمپیادی ئاسیا دیاریكرد.