لیژنەی نەوتی پەرلەمان:بەمنزیکانە هەناردەی نەوتی هەرێم لەڕێگەی بەندەری جەیهانی تورکیاوه دەست پێدەکاتەوە
لیژنەی نەوتی پەرلەمان،جەختیکردەوە کە بەمنزیکانە هەناردەی نەوتی هەرێمی کوردستان لە ڕێگەی بەندەری جەیهانی تورکیا دەستپێدەکاتەوە.
سەباح سوبحی ئەندامی لیژنەکە لە لێدوانێکیدا بە ئاژانسی (موتەڵع)ی راگەیاند"،گرفتی ڕاگرتنی هەناردەی نەوت لە ڕێگەی بەندەری جەیهانی تورکیاوە لە نێوان هەردوو لایەنی عێراق و تورکیا چارەسەر کراوە، وتورکیا ئاماژەی بەوەداوە کە ئەو بۆرییانەی نەوت بۆ بەندەری جەیهان هەناردە دەکەن ئامادەیە، هەروەها سەبارەت بە ڕێککەوتنەکانی دادگای نێودەوڵەتی پاریسیش بەهەمان شێوە چارەسەر کراوە.
سوبحی وتیشی " ڕاگرتنی هەناردەکردن لە بەندەری جەیهان خزمەتی تورکیا و عێراق و هەرێمی کوردستان ناکات، بۆیە کێشەکان بەرەو چارەسەرکردن دەچێت و هەنگاوەکان بەرەو دەستپێکردنەوەی هەناردەکردن دەڕۆن."
روونیشیکردووە، "بەمزوانە دەست دەکرێتەوە بە هەناردەکردنی پشکی نەوتی هەرێم لە کێڵگەکانی کەرکوک بۆ بەندەری جەیهان،" وتیشی "عێراق زیانی دارایی بەرکەوتووە دوای راگرتنی هەناردەکردن و ئەو پارەیەی لەدەستیداوە چارەسەرەی کێشەی مووچەی مووچەخۆرانی هەرێم دەکات."