فراکسیۆنی یەکێتی:لاریمان لەبەستنەوەی مووچەی فەرمانبەرانی هەرێم بە حکومەتی فیدڕاڵییەوە نییە
فراکسیۆنی یەکێتی:لاریمان لەبەستنەوەی مووچەی فەرمانبەرانی هەرێم بە حکومەتی فیدڕاڵییەوە نییە
فراکسیۆنی یەکێتی نیشتمانی کوردستان،ئەمڕۆ پێنجشەممە، لارینەبوونی خۆی لەبابەتی بەستنەوەی مووچەی فەرمانبەرانی هەرێم بەشێوەیەکی راستەوخۆ بەوەزارەتی دارایی حکومەتی فیدڕاڵی دووپاتکردەوە.
کاروان یاروەیس ئەندامی فراکسیۆنی یەکێتی لەلێدوانێکیدا بەئاژانسی"موتەڵع"ی راگەیاند"ئەوەی بەلای یەکێتی نیشتمانی کوردستانەوە گرنگە بابەتی گەیشتنە بەدابەشکردنی مووچەی فەرمانبەرانی هەرێم جا بەهەر رێگایەک بێت چونکە ماوەیەکی زۆرە بەردەوام بەدەستی ئەم بابەتەوە دەناڵێنن بەبێ ئەوەی هەردوو حکومەتی بەغدا وهەولێر چارەسەری بکەن".
وتیشی"سەبارەت بەبڕیاری سیاسی ئەوە ئێمە لاریمان نییە بەبەستنەوەی مووچەی فەرمانبەرانی هەرێم بەوەزارەتی دارایی لەحکومەتی فیدڕاڵییدا".
روونیشیکردەوە"هیچ گرفتێک لەجێبەجێکردنی بوودجەدا نییە ومووچەی فەرمانبەرانی هەرێمیش پەیوەندی بەدۆسییەی راگرتنی هەناردەی نەوتەوە لەرێگای بەندەری جەیهانەوە نییە"، وتیشی"بەپێی رێککەوتنەکان حکومەتی فیدڕاڵی وکۆمپانیای سۆمۆ بەرپرسن لەدۆسییەی هەناردەی پشکی هەرێم".
یاروەیس پێشبینی کرد"بابەتی پێدانی قەرز وەک چارەسەرێکی کاتی بۆ دابەشکردنی مووچەی دواکەوتووی فەرمانبەرانی هەرێم نوێبکرێتەوە تا گەیشتن بەچارەسەرێکی هەمیشەیی".