سەرۆکی شارەوانی دۆنێتسک سوپای ئۆکراینای تۆمەتبار کرد بە هێرشکردنە سەر شارەکە. 

کاربەدەستانی فریاکەوتن لە شاری دۆنێتسکی ئۆکراینا دەڵێن: "بۆردومانەکانی ئۆکراینا بینایەکی زانکۆیان کردۆتە ئامانج لە شاری دۆنێتسکی ژێر کۆنترۆڵی ڕوسیا لە ڕۆژهەڵاتی وڵاتەکە، ئەمەش بووە هۆی ئەوەی سەقفێکی داری زانکۆکە ئاگری لێ بکەوێتەوە".
سەرۆکی شارەوانی دۆنێتسک ڕوونیکردەوە کە لە ئەنجامی هێرشەکەی ئەم دواییەی سوپای ئۆکراینا بۆ سەر شارەکە، یەکەم بینای زانکۆی ئابووری و بازرگانی ئاگری گرت و هێزەکانی ئۆکراینای تۆمەتبار کرد بە بەکارهێنانی تەقەمەنی جۆری "کۆمەڵە" لەو بۆردومانەدا کە بووە هۆی ئاگرەکە.