سودانی: قهبارهی بازرگانی نێوان عێراق و توركیا گەیشتوەتە 20 ملیار دۆلار
ئەمڕۆ یەکشەممە"محەمەد شیاع سودانی"سەرۆک وەزیرانی عێراق،جەختیکردەوە کە قهبارهی ئاڵوگۆڕی بازرگانی نێوان ههردوو وڵات 20 ملیار دۆلاری تێپهڕاندوه و دهیانهوێت ئهو ئاڵوگۆڕهش زیاتر بكهن
نووسینگەی ڕاگەیاندنی سەرۆک وەزیران ،لە ڕاگەیەندراوێکدا بڵاویکردەزە : "محەمەد شیاع سودانی"سەرۆک وەزیران، بە ئامادەبوونی سەرۆکی دەستەی وەبەرهێنانی نیشتمانی، و بەڕێوەبەری جێبەجێکاری سندوقی گەشەپێدانی عێراق، و ژمارەیەک ڕاوێژکار و باڵیۆزی کۆماری تورکیا لە عێراق،پێشوازیی لە کۆمەڵێک بازرگان و سەرۆک و نوێنەری 17 کۆمپانیای تورکی کردووە کە لە بوار و کەرتە جیاوازەکاندا کاردەکەن.
وەک لە ڕاگەیەندراوەکەدا هاتووە : لە میانی دیدارەکەدا، گفتوگۆ لەبارەی ڕێگاکانی پەرەپێدانی لێکتێگەیشتن و هاوکاری لە کەرتی ئاودا کرا، لە چوارچێوەی ڕێککەوتنی گشتیی هاوکاری لە دۆسیەی ئاودا کە لە مانگی ئەیلولی 2024دا کەوتە بواری جێبەجێکردنەوە، دوای واژۆکردنی لەلایەن سەرۆک وەزیران و "ڕەجەب تەیب ئەردۆغان" سەرۆکی تورکیاوە.
"سودانی " جەختی لە پەرۆشیی حکومەت کردەوە بۆ "پەیوەندیی بەردەوام لەگەڵ کۆمپانیا تورکییەکان، لەبەر ڕۆشنایی ئەو پەیوەندییە تایبەتەی نێوان هەردوو وڵات، کە لە ماوەی دوو ساڵی ڕابردوودا گەشەیەکی بەردەوامی بەخۆیەوە بینیوە، بە پشتبەستن بە دید و ویستی سەرکردایەتیی هەردوو وڵات بۆ گرنگیی پەرەپێدانی پەیوەندی و هاوبەشیی دووقۆڵی، هەروەک دووپاتیشیکردەوە کە دەروازەی ئابووری و وەبەرهێنان و کار، یەکێکە لە گرنگترین پایەکانی هاوبەشی و پەرەپێدانی پەیوەندی و پتەوکردنی بەستنەوەی بازرگانی و ئابووری.
سەرۆک وەزیران ڕاشیگەیاند : کە حکومەت پەرۆشە بۆ پشتیوانیکردنی ئەو یاسا و بڕیارانەی کە باشترین ژینگەی سەرنجڕاکێش بۆ وەبەرهێنان دابین دەکەن لە سایەی ئەم سەقامگیرییە بەرچاوەدا،و کاردەکات بۆ بەهێزکردنی ئامادەیی کۆمپانیا تورکییەکان بۆ جێبەجێکردنی پڕۆژەکانیان، بەهۆی ئەو ئامادەییە گەورەیەی کە لە عێراقدا هەیانە، لە کاتێکدا قەبارەی ئاڵوگۆڕی بازرگانیی نێوان هەردوو وڵات 20 ملیار دۆلاری تێپەڕاندووە، لەو روانگەیشەوە "سودانی " ئاماژەی بە بەردەوامی عێراق کرد لە پڕۆژەی ڕێگای گەشەپێدان و ئەو دەرفەتانەی کە دەیڕەخسێنێت و هاوبەشیی نێوان عێراق و تورکیا و وڵاتانی تری ناوچەکە بەهێزتر دەکات.
هەر بەپێی راگەیەندراوەکە : لەلایەن خۆیەوە، باڵیۆزی تورکیا پێزانینی خۆی بۆ هەوڵەکانی سەرۆک وەزیران لە بەهێزکردن و پەرەپێدانی پەیوەندی و هاوبەشیی نێوان هەردوو وڵاتدا دەربڕی و جەختیشی کردەوە کە پەیوەندییەکە تەنها لایەنی سیاسی لەخۆناگرێت، بەڵکو هاوکاریی ئابووری و وەبەرهێنانیش بۆ جێبەجێکردنی پڕۆژەکان لە عێراقدا دەگرێتەوە.
كلمات مفتاحية
اخبار ذات صلة
تعليقات
دوایین هەواڵەکان
ئەمریکا و ئێران بە نێوەندگیری پاکستان، یاداشتێکی لێکتێگەیشتنی ١٤ خاڵییان بەمەبەستی کۆتاییهێنان بە جەنگ واژۆکرد
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
ترەمپ: لەسەر داوای پاکستان هێرشەکانی سەر ئێران بۆ دوو هەفتە رادەگرم
