سودانی خواستی حکومەتی دەربڕی بۆ پتەوکردنی هەماهەنگی نێوان کۆمپانیا میسرییەکان عێراقیەکان
محمەد شیاع سودانی سەرۆک وەزیران،ئەمڕۆ چوارشەممە، خواستی حکومەتی دەربڕی بۆ پتەوکردنی هەماهەنگی نێوان کۆمپانیا میسرییەکان و کەرتە جیاجیاکانی وەبەرهێنان و پیشەسازی لە عێراق.
نوسینگەی راگەیاندنی سەرۆک وەزیران لەراگەیڵندراوێکدا بڵاویکردەوە:- محەمەد شەیاع سودانىسەرۆک وەزیران، ئەمڕۆ چوارشەممە پێشوازی کرد لە شاندێک کە پێکهاتبوون لە ژمارەیەک بازرگان و ئابووریناس و کەرتی تایبەت و بەڕێوەبەرانی کۆمپانیا میسرییەکان لە کەرتە جیاوازەکان.
ئاماژەی بەوەکرد,, سەرۆکی ئەنجومەنی وەزیران خواستی حکومەتی دەربڕی بۆ پتەوکردنی هەماهەنگی نێوان کۆمپانیا میسرییەکان و کەرتە جیاجیاکانی وەبەرهێنان و پیشەسازی لە عێراق، جگە لە پتەوکردنی هاوبەشی و ئاڵوگۆڕ لەگەڵ کەرتی تایبەتی عێراقدا و جەختیشی کردەوە لە بەردەوامی پشتیوانیکردنی چاکسازییە دارایی و بانکییەکان بۆ باشترکردنی ژینگەی وەبەرهێنان و دابینکردنی ئاسانکاری پێویست.
سودانی ستایشی ئەزموونی کۆمپانیا میسرییەکان و سەرکەوتنیانی کرد لە کەرتەکانی نیشتەجێبوون و گەشەپێدانی خانووبەرە و پیشەسازییە جۆراوجۆرەکان و جەختی لە گرنگی ئەو دەرفەتانە کردەوە کە لەبەردەستیاندایە بۆ کارکردن لە کەرتی دەرمانسازی عێراق.
لە کۆبوونەوەکەدا، سودانی ڕوونیکردەوە کە ڕێبازی بەرنامەی حکومەت بەشێوەیەکی کاریگەر پەرەپێدانی پیشەسازی و وەبەرهێنانی کشتوکاڵی لە عێراقدا دەگرێتەبەر و پاکێجێک لە ڕێوشوێنەکان جێبەجێکراون کە هاندەری کرداری بە کەرتی پیشەسازی بەخشییەوە و نزیکەی 40 داواکاری پێشکەشکراون بۆ دامەزراندنی کارگەی دەرمانسازی ناوخۆیی.
هەروەها ئاماژەی بە قۆناغی دووەمی شارە نوێیەکانی نیشتەجێبوون کرد و پێویستییەکی زۆریان هەیە بۆ دامەزراندنی کارگە بۆ کەرەستەی بیناسازی، جگە لە بەردەوام بوون لە تەواوکردنی شاری نیشتەجێبوونی بەسمایە، کە دەرفەتی بەڵێنبەخشن لەبەردرم کۆمپانیا میسرییەکان کە بە ئەم چالاکییە ناسراون لەسەر ئاستی جیهان.
لە لای خۆیانەوە، بازرگانە میسرییەکان خواستی کردارییان دەربڕی بۆ هاتنە ناو بازاڕی عێراق و هاوکاریکردن لەگەڵ کەرتی تایبەتی عێراقدا یان لەگەڵ پلانەکانی وەبەرهێنان و پڕۆژەکانی ژێرخان و جەختیان لەوە کردەوە کە عێراق بووەتە ژینگەیەکی سەرنجڕاکێش بۆ وەبەرهێنەران و بازرگانان و کردنەوەی بواری نوێی هاریکاری و هاوبەشی و دابینکردنی دەرفەتی زیاتر و باشترکردنی پەیوەندی و گەشەپێدانی هاوبەش لە نێوان هەردوو وڵاتی برادا.