ساڵح موسليم پابەندبوونی بەڕێوەبەرایەتی خۆسەری نوێکردەوە بۆ ئەنجامدانی هەڵبژاردنی ناوخۆیی
سەرۆکی پارتی یەکێتی دیموکراتی ڕۆژئاوای کوردستان (پەیەدە)، ساڵح موسليم پابەندبوونی بەڕێوەبەرایەتی خۆسەری ڕۆژئاوای کوردستان نوێکردەوە بۆ هەوڵەکانی لە ئەنجامدانی هەڵبژاردنی ناوخۆیی کە بڕیارە لە مانگی هەشتی ئەمساڵ ئەنجامبدرێت، سەرەڕای زیادبوونی هەڕەشەکانی تورکیا بە دەستپێکردنی ئۆپەراسیۆنێکی سەربازی نوێ دژی ڕۆژئاوای کوردستان.
ساڵح موسلیم لە چاوپێکەوتنێکدا لەگەڵ ڕۆژنامەی شرق ئەلەوسەت جەختی لەوەکردەوە کە لە ڕۆژئاوای کوردستان نیازیان نییە لەسوریا جیا بن و ئاماژەی بەوەکرد کە هەڵبژاردنی ناوخۆیی ڕۆژئاوای کوردستان لە چوارچێوەی ڕێکخستنی کاروباری ناوخۆیی ئەو ناوچەدا دێت کە لە دەرەوەی دەسەڵاتی حکومەتی سوریایە.
ساڵح موسلیم، سەرکردەی باڵای کورد لە ڕۆژئاوای کوردستان و سوریا ئاشکرای کرد کە ئەمریکییەکان پەیامێکی زارەکییان بە کوردەکانی سوریا داوە کە "پەلە بكەن لە ئەنجامدانی هەڵبژاردنی ناوخۆیی"، هەروەها ساڵح موسلیم هەروەها کاردانەوەکانی ماوەی ڕابردووی تورکیا دژ بە ڕۆژئاوای کوردستان بە "بێزارکەر" ناوبرد، ساڵح موسلیم لە چاوپێکەوتنەکەیدا داوای گفتوگۆی کرد لەگەڵ هێز و لایەنەکانی سوریا بە ڕژێمی سوریاوە.