بەهۆی سەرپێچیکردن و جێبەجێنەکردنی ڕێنماییەکانی تەندروستی، دوو کۆمپانیای هاوردەکردنی دەرمان لە هەولێر داخران.

وەزارەتی تەندروستی حکوومەتی هەرێمی کوردستان بڵاوی کردوەتەوە، تیمەکانی کۆنتڕۆڵی جۆریی بۆ رێکخستنەوەی بازاڕ، بەهۆی سەرپێچیکردن لە رێنماییەکان دوو کۆمپانیای هاوردەکردنی دەرمانیان لە هەولێر داخست.

وەزارەتی تەندروستی ئاماژەی بەوە کردووە، رۆژی دووشەممە، بەڕێوەبەرایەتیی کۆنتڕۆڵی جۆریی دەرمان، بە ھەماھەنگی لەگەڵ پۆلیسی شارەوانیی قائیمقامیەتی قەزای ناوەندیی ھەولێر، دوو کۆمپانیای هاوردەکردنی دەرمانیان لە هەولێر بە هۆکاری سەرپێچیکردن لە ڕێنماییەکان داخست.

لەگەڵ ئەوەشدا، بەڕێوەبەرایەتیی کۆنتڕۆڵی جۆریی دەرمان داوای لە کۆمپانیاکانی هاوردەکردنی دەرمان و کۆگاکان و درمانخانەکان کردووە پابەندی ڕێنماییەکان بن ئەگەر نا سزادەدرێن.