سروە محەمەد ڕەشید پەرلەمانتاری یەکێتی نیشتمانی کوردستان ،ئەمڕۆ شەممە ،جەختیکردەوە کە پێکهاتەی کورد دەنگ لەسەر کاندیدی زۆرینە دەدات لەو دانیشتنەی کە بڕیارە سەرۆکی ئەنجومەنی نوێنەران هەڵبژێردرێت. 
ڕەشید لە لێدوانێکدا بۆ ئاژانسی (موتەڵع) رایگەیاند "پێکهاتەی کورد دەنگ لەسەر کاندیدی زۆرینە دەدات"، ئاماژەی بەوەشکرد کە "دانیشتنی پەرلەمان ژمارەیەک هەڵدەبژێرێت بۆ وەرگرتنی سەرۆکایەتی ئەنجومەنەکە."
وتی: "هێزە کوردییەکان کۆمەڵێک کێشەیان هەیە، لەوانە یاسای نەوت و گاز، مووچەی فەرمانبەرانی کوردستان و دەنگدان لەسەر پارێزگای هەڵەبجە،" وتیشی "کوردەکان دەیانەوێت بە زووترین کات پرسی سەرۆکایەتی ئەنجومەن چارەسەر بکرێت بۆ ئەوەی یاساکان گفتوگۆیان لەسەر بکرێت و کێشەکان چارەسەر بکرێن."