بەغدا و هەولێر بەجددی تاوتوێی بەستنەوەی مووچەی فەرمانبەرانی هەرێم بە ناوەندەوە دەکەن
بەغدا و هەولێر بەجددی تاوتوێی بەستنەوەی مووچەی فەرمانبەرانی هەرێم بە ناوەندەوە دەکەن.
شاندەکەی حکومەتی هەرێمی کوردستانی عێراق بەنیازە خولێکی نوێی دانوستان لەگەڵ حکومەتی فیدراڵی لە بەغدا ئەنجام بدات بۆ گەیشتن بە چارەسەرێکی رێک و دروست سەبارەت بە پرسی موچەی فەرمانبەران.
ئاژانسی هەواڵی موتەڵع لە بەرپرسێکی باڵاوە بۆی دەرکەوت کە "شاندی نوێنەری حکومەتی هەرێمی کوردستان لە خولێکی نوێی گفتوگۆدا لەگەڵ حکومەتی فیدراڵی لە بەغدا پێشنیاری ئەوە دەکات کە مووچەی فەرمانبەران ڕاستەوخۆ بە وەزارەتی دارایی عێراق ببەسترێتەوە بۆ چارەسەرکردنی کێشەی مووچەی فەرمانبەرانی هەرێمی کوردستان".
بەگوێرەی بەرپرسەکە، "لە هەرێمی کوردستان ڕێککەوتنێکی سیاسی هەیە بۆ بەستنەوەی مووچەی فەرمانبەرانی هەرێم بە وەزارەتی دارایی فیدراڵی"، ئاماژەی بەوەشکردووە، "دۆسیەی مووچەی فەرمانبەرانی هەرێم دەرئەنجامی زۆری هەیە و گەیشتووەتە ئەو قۆناغەی کە حیزبە سیاسییە کوردییەکان و حکومەتی هەولێر شەرمەزار دەکات و ترسی ڕاستەقینە هەیە لە شۆڕشێکی گەورەی فەرمانبەران".
بەغدای پایتەختی عێراق لە سەرەتای ئەم هەفتەیەدا خۆپیشاندانی ژمارەیەک لە فەرمانبەرانی هەرێم بەخۆیەوە بینی لە گۆڕەپانی تەحریر لە ناوەڕاستی بەغدا و فەرمانبەران داوایان کرد مووچە ڕاستەوخۆ بە بەغداوە ببەسترێتەوە.
لە وەڵامی داواکارییەکانی فەرمانبەرانی هەرێم سەبارەت بە بەستنەوەی مووچەکانیان بە بەغداوە، کاروان یاروەیس ئەندامی فراکسیۆنی یەکێتی نیشتمانی کوردستان لە ئەنجومەنی نوێنەرانی عێراق لە لێدوانێکی بۆ ئاژانسی "موتەڵع" پشتڕاستی کردەوە کە ئەم داواکارییە لە ڕووی سیاسییەوە دژایەتی ناکرێت.