بەرگری شارستانی قەزای سۆران ئەمڕۆ یەکشەممە (5ـی ئایاری 2024) لە ڕاگەیەندراوێکدا بڵاویکردەوە، "دوای ئەوەی دوێنێ ئاگاداركراینەوه کەوا هاوڵاتییەک له کوێستانەکانی گوندی زینوی باڵەکایەتی ون بووه دوای ئەوەی بە مەبەستی گژوگیای بەهاری لەگەڵ چەند هاورێیەکی ڕوویان لەم ناوچەیە کردبوو، تیمەکانمان بەردەوام بوون لە گەڕان و پشکنین، بەڵام ئەمڕۆ تەرمەکەی دۆزرایەوە". 
ئاماژەی بەوەشکراوە، هاوڵاتییەکە دانیشتووی سەنتەری قەزای ناوەندی سۆرانە و ناوی حوسێن حەسەن-ە و تەمەنی 60 ساڵە.