شارەوانی کەرتی غەززە رایگەیاند، ئەگەر قەیرانی مرۆیی بەشێوەیەکی مەترسیدار بەردەوامبێت، ئەوا هۆشداری دەدەین لە بەرزبوونەوەی حاڵەتی مردن بەهۆی برسێتی و تینوێتییەوە لە باکووری غەززە.
حوسنی مەهنا، گوتەبێژی شارەوانی غەززە لە لێدوانێکى رۆژنامەوانى رایگەیاند، "لە کەرتى غەززە کە ئیسرائیل رووبەڕووی برسێتیی و تینوێتی کردووەتەوە، قەیرانی مرۆیی توند بووە و بڕی ئاو بۆ هەرکەسێک لە 90 لیترەوە دابەزیوە بۆ دوو لیتر".
هەروەها گوتیشى، لەکاتێکدا پێش دەستپێکی جەنگ بڕی ئاو بۆ هەر کەسێک لە غەززە 90 لیتر بوو، ئەمڕۆ ئەو بڕە دابەزیوە بۆ دوو لیتر، ئەو بێئاوییەش لە ئارادایە بەهۆی زیانگەیاندنی زۆرە بە تۆڕەکانی ئاو بەهۆی هێرشی چڕی ئیسرائیل بۆ سەر دامەزراوەکانی شارەوانی.