ئەمڕۆ چوارشەممە، ڕاوێژکاری ئاسایشی نیشتمانی قاسم ئەعرەجی هێرشەکەی ئەمەریکا بۆ سەر بارەگای هێزەکانی حەشدی شەعبی بە " هێرشێک و پێشێلکردنی ئاشکرای سەروەریی عێراق" وەسف کرد و ئاماژەی بەوەدا "ئەمە یارمەتیدەر نییە بۆ ئارامی."
ئەعرەجی لە تۆڕی کۆمەڵایەتی ئێکس نوسیویەتی: بە ئامانجگرتنی بارەگای هێزەكانی حەشدی شەعبی لە قائیمی سەر بە ئەنبار و جورف سەخری سەر بە بابل، پێشێلكردنی ئاشكرای سەر سەروەری عێراقە، ئەم كارانە یارمەتیدەر نییە بۆ هێوركردنەوەی دۆخەكە.
ئاماژەی بەوەش كرد، لە بری ئەوەی ئەمریكا دامەزراوەیەكی نیشتمانی عێراق بكاتە ئامانج و بۆردوومان بكات، دەبێت هەوڵەكانی بخاتە گەڕ بۆ وەستاندنی بەردەوامی دەستدرێژییەكانی ئیسرائیل بۆ سەر غەززە.